Монгол Улсын Гавьяат жүжигчин Цэгмидийн Төмөрхуягыг танихгүй хүн ховор.
Өдгөө 59 настай тэрээр өдгөө Сити Их Сургуулийн Кино-Драмын тэнхимийн уран чадварын багшаар ажиллаж буй юм.
Үүнийхээ зэрэгцээ харакер шаардсан бүхий л онцгой дүрийг сүүлийн үеийн кинонуудад гаргах болсон.Тухайлбал, “Мөнх тэнгэрийн хүчин дор” киноны Нялх Сэнгүм, “Илд цэцэг”, “Залуу нас”, “Шүүдэр дундуур”, “Ээж”, “Маш нууц”, “Миний ах атаман”, “Манан зүсэгч”, “Анхны харц”, “Хоёр ертөнц” зэрэг кинонд гол болон туслах дүрд тогложээ.
Мөн “Ээж” кинонд бүтээсэн дүрээрээ 2017 онд “Cinema Awards” Монголын кино урлагийн дээд шагнал гардуулах наадмаас “Шилдэг эрэгтэй туслах дүр” шагнал хүртэж байв.
2009 онд Ардчилсан хувьсгалын 20 жилийн баярын өдөр Монгол улсын Гавьяат Жүжигчин цолоор энгэрээ мялаасан билээ.
Тэрээр аавынхаа 58 настайд хорвоод мэндэлж, долоон настай байхдаа ааваасаа өнчи р ч хоцорсон гэдэг. Шилжилтийн нийгмийн үед алдаж онож явсан тэрээр бор дарсанд толгойгоо нэгэн хэсэг мэдүүлж явсан ч, нэг л өдөр ухаарч энэ бүхнээсээ татгалзсан.
Өөрийнхөө одоогийн амьдралд сэтгэл ханамжтай явдаг эсэх талаараа тэрээр “Амьдралдаа алдсан алдаагаа л нөхөх гэж явна. Архи, дарсыг 10 жил ууж, амьдралдаа бүдчиж бүдчиж явсаар энэ зам руугаа буцаж орсон. Өнгөрсөн орон зайгаа нөхмөөр байна. 90-ээд оны үед намайг үхчихсэн гэж ярьдаг байсан. Тэр хугацаанд архи гэдэг сархдыг би хангалттай зооглосон. Одоо алдсан тэр цаг хугацаагаа нөхөх гээд тэмцэж л явна. Зарим айлд кино зураг авах гээд ороход би яаж амьдраад байна гэсэн асуултыг өөртөө тавьдаг.
Миний амьдрал тэр тансагчуудын дэргэд үнэндээ л бөөс хуурсны ажил хийж байна. Надад бусад шиг үнэтэй цайтай хөрөнгө мөнгө, эд хогшил байхгүй ч гэсэн тархи, зүрхэнд маань юм бий л гэж бодон өөрийгөө зөвтгөдөг.
Хүмүүс “Чи мундаг шүү” гээд л архиар угжаад эхэлсэн. Гэхдээ сайхан сэтгэлтэй улс тэр дунд байсан. Саар нь ч байсан. Хүний амьдрал янз бүр шүү дээ. Гэхдээ яахав, өнгөрснөө ойлгож ухаарч аавынхаа, ахынхаа нэр хүндийг олох гээд л маш хурдан хугацаанд бүтээн байгуулалтын ажилд орсон. Одоо хүртэл бүтээн байгуулалтын ажил дуусаагүй л явж байна, дуусах ч үгүй байх” гэжээ.
Эх сурвалж:Тас.мн
Like
0
Зөв
1
0
Буруу
0
Воов
0
Уйтгартай
0
Дуртай
Манай Монголын төр засаг түмэн олныг цуглуулж арга хэмжээ зохион байгуулж, санаатай гэмээр сар, жилийн ойн арга хэмжээнд ач холбогдол өгч олон хүмүүси...
© 2013-2021
