“Бид хөгжил түгээнэ” уриатай, орон даяар салбар нэгжтэй, үндэсний хэмжээнд тэргүүлэгч компани гэх тодотголтой, бүх аймаг, сум суурин бүрт байрших өөрийн салбар, нэгжээр дамжуулан иргэд, хэрэглэгчиддээ чанартай бүтээгдэхүүн үйлчилгээг шуурхай хүргэн үйлчилдэг хэмээн томордог газар бол Петровис ШТС.
Тэд татварын ерөнхий газраас жил бүр гаргадаг “Топ татвар төлөгчид”-ийн эхний аравт бичигддэг. Монголын 2400 хүнийг цалинжуулж яваа үндэсний том хөрөнгө оруулагч, газрын тосны салбарт эрэл хайгуул хийж яваа компани гэдгээр нь Монголчууд сайн мэдэх биз ээ.
Улаанбаатар хотод нийт 18 компанийн 216 ШТС-ууд байгаагаас Петровис компанийн 40 ШТС байдаг. Тэд Монголын зах зээлд хэдийнээ байр сууриа эзэлсэндээ бардаж үйлчилгээндээ хяналтгүй болж байгаа нь жилээс жилд харагдаж байгааг нуух юун. Тухайлбал, Монгол улс цар тахалтай тэмцэж яваа хүнд цаг үед хүн бүрийн амьжиргааны төвшин, санхүүгийн байдал нь муудсан ч шатахуунаа бол хэл амгүй авсаар ирсэн ард түмэн. Гэтэл шатахууны хомсдол улс орон даяар бий болж байгаа энэ үед хэрэглэгчдэд үнэн төрхөө таниулж буй ПЕТРОВИС. Энэ үед бусад шатахуун түгээгүүрийн газрууд хэрэглэгч нартаа ойр ажиллахыг чухалчилж, хэрэглэгчдийг ялгаварлахгүйгээр шатахуунаа өгч байхад. ПЕТРОВИС хомсдолд орлоо гэх үзүүрээр хэрэглэгчиддээ хязгаар тогтоосон нь иргэдийн эгдүүцлийг хүргээд байна. Тус байгууллагын ажилчид болон албаны дарга нар ЗӨВХӨН ПЕТРОВИС-ын карттай хүнд үйлчилнэ гэж загнаж, “Манайхаас авахгүй байж болно, өөр газраасаа ав” гэж хэрэглэгчидтэйгээ зүй бус харьцаж байгаа нь эмгэнэлтэй.
Хаа сайгүй ПЕТРОВИС ШТС-ууд байрлуулж, татвар төлөгчөөрөө ТОП-д зогсдог байсан бол үүрэг, хариуцлагаа ухамсарлаагүй ажилчидаараа толгой нэгт зогсож байгаа нь харамсалтай. Хэрэглэгчид чинь хэдхэн хоног тэсээд шатахуунтайгаа золгочих учраас иргэд, хэрэглэгчидтэйгээ энэ маягаараа харьцах юм бол, эргээд танайхыг зорих хүн байхгүй болов уу?
Like
1
Зөв
0
0
Буруу
0
Воов
2
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
