Нийслэлийн засаг даргаар томилогдоод жил ч болоогүй Х.Нямбаатар бүх салбартаа хүрч ажиллаж байна. Тэрээр жижиг, дунд үйлдвэрлэгчдийг онцгойлон анхаарч тал бүрээр дэмжиж байна.
Сарын өмнө " Ажил хэрэгч Улаанбаатар " уулзалт хийж нийслэлийн жижиг, дунд, үйлдвэрлэгчдийг өргөн хүрээтэй хамруулан, цаашид 30 тэрбум төгрөгийн хөнгөлөлттэй зээл шийдэж, ажлын байр нэмэгдүүлэх, тоног төхөөрөмжөө шинэчлэх, бизнесээ өргөжүүлэх боломж бүрдүүлэхээ мэдэгдлээ.
Түүнчлэн ЖДҮ-ийн борлуулалтыг нэмэгдүүлэх, гадаад, дотоод зах зээлд гаргах, импортыг орлох бүтээгдэхүүн үйлдвэрлэлийг хөгжүүлэх өрсөлдөх чадварыг нэмэгдүүлэх зорилгоор ах, дүү хотуудтай хамтран ажиллаж , үзэсгэлэн-худалдаа зохион байгуулах болсноо хотын дарга мэдэгджээ.
Жижиг, дунд, үйлдвэрлэл, үйлчилгээ эрхлэгчид нийслэлийн зүгээс тэдэнд ийнхүү бодитой дэмжлэг үзүүлж эхэлж буйд Х.Нямбаатар даргад талархал дэвшүүлж, нийслэлийн эдийн засагт дорвитой хувь нэмэр оруулахын төлөө бүхий л нөөц бололцоогоо дайчлан ажиллахаа илэрхийлж байлаа. Яг сарын дараа "Ажил хэрэгч Улаанбаатар-2" уулзалтыг 450 гаруй ЖДҮ эрхлэгчидтэй зохион байгуулж өмнөх уулзалтын ажлаа дүгнэлээ.
Энэ үеэр
" Органик хүнс " төрийн бус байгууллагын санаачлагыг дэмжин Киргиз улсад болсон " Органик экспо-2024 " Төв Азийн форумд ЖДҮ-ийг оролцуулсны үр дүнд Төв Азийн органик хүнсний зөвлөлд манай улсаас хоёр бизнес эрхлэгч анх удаа орж чадсан нь нийслэлийн зүгээс ЖДҮ-ийг дэмжсэний бодит үр дүн болохыг "Органик хүнс" ТББ-ын тэргүүн Л.Энхтуяа хоёр дахь уулзалтын үеэр дурдлаа.
Мөн тэрээр энэ форумын үеэр "Увс хүнс" ХХК, Казахстаны Жимс жимсгэнийн холбоотой хамтран ажиллах санамж бичигт гарын үсэг зурж,
- “Амгаланзаяа” ХХК Киргизийн ургамлын түүхий эд нийлүүлэх “Байнур-Умар” ХХК-тай хамтран ажиллахаар болсныг дуулгалаа. Тус компанийн тариалдаг 10-аад нэр төрлийн эмийн ургамлыг худалдан авахаар тохиролцжээ.
.jpg)
-Норд Роуд ХХК Киргизийн Бишкэк хотод салбараа байгуулан 3 байгууллагатай хамтын ажиллагаа эхлүүлэх гэрээ хийхээр болсон байна. Мөн SFCS - Монголын хөндлөнгийн баталгаажуулалтын байгууллага олон улсын баталгаажуулалтын түвшинд Казахстан болон Киргизистаны баталгаажуулалтын байгууллагуудтай хамтран ажиллахаар болсон байна. ЖДҮҮ эрхлэгчид хотын даргын шийдэмгий, сэтгэлтэй, уйгагүй ажиллаж буйд урам зоригтой байгаагаа илэрхийллээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
