Монгол Улсын Хөгжлийн банкнаас санхүүжүүлсэн төслүүдийн нэг болох Чойбалсангийн дулааны цахилгаан станцын хүчин чадлыг 50МВт-аар өргөтгөж, энэ оны зургаадугаар сарын 6-ны өдөр нээсэн.
Тэгвэл энэ сарын 5-8-ны өдрүүдэд Хөгжлийн банкны Ажлын хэсэг тус төслийн хэрэгжилттэй биечлэн танилцаж, төсөлд олгосон санхүүжилтийн барьцаа хөрөнгөд хяналт хийж байна.
“Дорнод бүсийн эрчим хүчний систем” ТӨХК-ийн хэрэгжүүлж буй энэхүү төсөл нь нийт 81.9 сая ам.долларын төсөвт өртөгтэй бөгөөд 21.9 сая ам.долларыг улсын төсвөөс, 60 сая ам.доллар буюу 420 сая юанийг Монгол Улсын Хөгжлийн банкнаас гэрээний дагуу санхүүжүүлсэн юм.
Чойбалсангийн дулааны цахилгаан станцын хүчин чадлыг ийнхүү нэмэгдүүлснээр Дорнод, Хэнтий, Сүхбаатар аймгийн 36 сумын айл өрх, 3100 гаруй аж ахуйн нэгж болон тухайн бүс нутгийн өсөн нэмэгдэж буй уул уурхайн салбарын эрчим хүчний эрэлт хэрэгцээг тасралтгүй, найдвартай эрчим хүчээр хангах боломж бүрдсэн.
Түүнчлэн зүүн бүсийн хөгжил, тэр дундаа газрын тосны олборлох, боловсруулах үйлдвэрлэлийг тогтвортой хөгжүүлэх, иргэдийн ая тухтай амьдрах, ажиллах нөхцөлийг дээшлүүлэхэд чухал үүрэгтэй. Тодруулбал, тус станц нь Мардай, Тамсаг, Төмөртэй зэрэг томоохон орд газруудын эрчим хүчний хангамжийг шийдвэрлэхэд чухал ач холбогдолтойгоос гадна Бичигт – Эрээнцав чиглэлийн боомтуудаар Транс Сибирийн төмөр замтай холбогдох төмөр замын бүтээн байгуулалтыг эрчим хүчээр тасралтгүй найдвартай хангах боломжийг бүрдүүлнэ хэмээн үзэж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
