Монгол Улсын Ерөнхийлөгчийн санаачилсан "Хүнсний хувьсгал" үндэсний хөдөлгөөний хүрээнд Монгол Улсын Шадар сайд С.Амарсайхан Ерөнхийлөгчийн ахлах зөвлөх Н.Хүрэлбаатар, Үйлдвэр, үйлчилгээний бодлогын зөвлөх Ч.Даваабаяр нартай албан уулзалт хийлээ.
Уулзалтаар Монгол Улсын Ерөнхийлөгчийн дэргэдэх Хүнсний хангамж, аюулгүй байдлын "Эрдэмтдийн зөвлөл"-өөс пестицидийн талаар цаашид авах арга хэмжээний зөвлөмж гаргаснаа танилцуулахийн зэрэгцээ хийж хэрэгжүүлэх ажлын төлөвлөгөөний талаар санал солилцов.
Монгол Улсын хэмжээнд 380 гаруй лабораториуд үйл ажиллагаа явуулж байгаагийн 180 орчим нь улсын лабораториуд байна. Түүнчлэн манай улсад пестицидийн нэр төрөл, хэмжээ нь жилээс жилд нэмэгдэж байна. Энэ нь хүн амын эрүүл мэнд, цаашлаад хүнсний аюулгүй байдалд нөлөөлөх хэмжээнд хүрч болзошгүй бөгөөд олон төрлийн хавдар үүсгэх эрсдэлтэй.
Тиймээс улсын болон хувийн лабораториудын хүчин чадлыг сайжруулах, боловсон хүчний нөөцийг бэлтгэх, дадлагажуулах, хүнсний лабораториудын уялдаа холбоог сайжруулах, тэр дундаа хууль эрх зүйн орчныг сайжруулж, техник технологи, стандартын шинэчлэлийг хийх нь чухал юм.
Манай улс 2013-2023 оны хугацаанд 12-17 пестицидийг тодорхойлж байсан бол 2024 онд улсын төсвийн хөрөнгө оруулалтаар давхар масс детектортой хийн хроматографи багажийг авч үйл ажиллагаанд нэвтрүүлснээр 1 дээжид 40 минутанд 221 пестицидийг тодорхойлох чадамжтай болоод байна. Гэсэн хэдий ч улсын болон хувийн лабораторийн хүчин чадлыг улам сайжруулж, хүний нөөцийн чадавхийг нэмэгдүүлэх асуудалд илүү анхаарч ажиллах шаадлагатай байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
