Монгол Улсын Засгийн газрын 2018 оны 09 дүгээр сарын 05-ны өдрийн хуралдаанаар Улаанбаатар-Дархан чиглэлийн авто замыг 4 эгнээ бүхий авто зам болгон өргөтгөн, шинэчлэх шийдвэрийг гаргасан. Тус чиглэлийн авто замыг 4 эгнээ болгох шийдвэрийн хэрэгжилтийг одоо байгаа авто замыг ашиглан, нэмж 2 эгнээ авто зам барих техникийн шийдлийг тодорхойлсон аж. Тодруулбал, одоо байгаа хоёр эгнээ авто замыг АХБ-ны “Бүс нутгийн авто зам хөгжүүлэх, засвар арчлалтын төсөл”-ийн хүрээнд өргөтгөн, шинээр нэмж барих хоёр эгнээ авто замын Европын сэргээн босголт, хөрөнгө оруулалтын банкны хөрөнгө оруулалтаар барьж байгуулахаар төлөвлөсөн.
Тэгвэл Улаанбаатар - Дархан чиглэлийн одоо байгаа хоёр эгнээ нийт 204 км авто замыг дөрвөн эгнээ авто зам болгохтой уялдуулан өргөтгөх ажлыг нийт 83.4 сая ам.долларын өртгөөр хэрэгжүүлэхээр төлөвлөсөн байдаг. Харин тус зам ард иргэдийн хүлээлт болоод гурван жилийн нүүрийг үзэж байна. Уг төсөл нь 2019 оны 7 дугаар сараас эхэлсэн. Харин энэ оны долоон сард эхний 130 км замыг нээсэн. Энэ сургаар иргэд Дарханы замаар салхи татуулан аяллахаар төлөвлөсөн байсан боловч тэдний хүсэл биелээгүй. Жолооч нарын хэлдгээр “АЙМАР” замаар машинаа тачигнуулан аялцгааж ирээд, машин оношлуулах, засуулах санхүүгийн дарамт орсонг нуух юун.Тодруулбал, дээрх хэсгийн замыг бүхэлдээ асфальтаар бүрэн хучсанаар зорчих хөдөлгөөнийг долоо дугаар сарын 15-наас нээсэн гэх мэдээллийг иргэдэд өгч хошигруулсан гэсэн үг юм.
Олон жил яригдах замын бүтээн байгуулалтын талаар холбогдох албаны хүмүүс тайлбарлахдаа “Өнгөрсөн жилийн хувьд манай гүйцэтгэгч БНХАУ-ын компанийн мэргэжилтнүүд болон нарийн мэргэжлийн ажилчид коронавирусний халдварын нөхцөл байдал болон аль, аль талын улсад хориг, хязгаарлалттай байснаас болж Монголд орж чадалгүй удсан явдал бий. Тэд найм дугаар сарын эхээр ирсэн. Инженер техникийн ажилтнууд эрт ирсэн бол өнгөрсөн жил "Дархан-2" өртөөний орчмын автозамын хучилтаа хийгээд хөдөлгөөнийг нээх байсан" гэх мэдээллийг өгч байсан. Үүнд иргэд бухимдаж “Монголд олон мянган залуус ажилгүй байна. Хятадуудыг хүлээж байхаар Монголчуудаа ажлуул” гэх шаардлагыг ч тавьж байсан нь саяхан.
Баруун аймгийг Нийслэлтэй холбож байгаа гол зам ДАРХАН-ы замыг иргэд хүлээсээр...
Зам, тээврийн хөгжлийн сайд Л.Халтараар манлайлсан Улаанбаатар-Дарханы замын бүтээн байгуулалт хэзээ дуусах нь иргэн бүрийн анхаарлыг татаж байгаа. Сайд Л.Халтар нь зам харилцааны сургуулийг төгсөж, Улаанбаатар төмөр замд насаараа ажиллаж туршлага хуримтлуулсан чадварлаг боловсон хүчин. Гэтэл зам тээврийн САЙД болох нь түүнд ахадсан ажил байв уу? Аль эсвэл албаны хүмүүсээ ойлгоод ажлаа удаашруулаад байна уу? гэдэг асуулт гарч байгаа юм. Ерөнхий сайд асан У.Хүрэлсүхийн засгийн газар “Салбараа ойлгодог мэргэжлийн хүмүүсийг төрийн албанд ажиллуулж улс эх орноо удирдуулна” гэсэн шуурганд олон хүн өртсөн. Тэдний нэг бол Зам тээврийн хөгжлийн сайд Л.Халтар. Түүний хамгийн том хийж хэрэгжүүлэх ажил нь Улаанбаатар-Дарханы замаа нээж ард иргэдээ хурдан баярлуулах явдал болохоос биш нэг зам яриад нэлээн хэдэн жил нам суух зүйл биш юм.
Дөрвөн сайдын нүүр үзсэн “Дарханы зам" хэзээ ашиглалтад орох вэ? Л.ХАЛТАР сайдаа...
.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
