Коронавирусийн халдварт өртсөн иргэдийг гэрээр эмчлэх 160 мянган төгрөгийн багцыг Эрүүл мэндийн сайд, Сангийн сайдын хамтарсан тушаалаар баталж сум, өрхийн эрүүл мэндийн төвүүдэд гүйцэтгэлээр олгох ажил явагдаж байна. Гэвч 160,000 төгрөгийн багц эмчилгээний задаргаа тодорхой бус байдал нь иргэд, эрүүл мэндийн байгууллагуудын хооронд үл ойлголцол үүсгэхэд хүрсэн юм. Иймээс иргэдэд хүртээмжтэй ойлгомжтой болгох зорилгоор 160,000 төгрөгийн жишиг задаргааг баталсан байна. Гэтэл зарим дүүрэг дээр их хэмжээний ачаалал үүсэж, эмийн хангамж хүрэлцэхгүй, хамгамж муу байна гэх мэдээлэл иргэдийн дунд хөвөрсөн.
Тэгвэл орон нутагт Коронавирус туссан иргэдэд ямар эмийн багц өгч буйг хүргэж байна. Тухайлбал, халдварын дэгдэлтээрээ 21 аймгаас Дорнот аймаг толгой цохиж байгаа. Тэгвэл тус аймаг эмийн багц болон Ковид-19 өвчний үед хэрэглэх эмнэлгийн хэрэгсэл хэдэн төгрөгөөр борлуулж буйг хүргэж байна. Тодруулбал, 160,000 төгрөгийн – 76,000 эмийн багц байна. Үүнд, Дархлаа дэмжих ВИТ С, Д 10 хоног, Өвчин намдаах халуун бууруулах эм, Халдвар харшлын гаралтай эм Уламжлалт эм мана 4 норов 7 лянхуая, Вирусийн эсрэг үйлчилгээтэй эмүүд багтаж байгаа аж. Харин түргэвчилсэн оношлуурын шинжилгээний үнэ 15,000 төгрөг,Хамгаалах хувцас хэрэгсэл бусад халдваргүйтгэлийн бодис 22,000, Эмчийн болон тухайн багийн ажилласан цалин урамшуулал 32,000, Үзлэгийн хөлс 10,000 байна.Харин бусад буюу шатахуун холбооны зардал 5,000 төгрөг Халдвар авсан гэрээр эмчлэгдэх иргэд хүнд хөнгөн зэрэг биеийн байдлаасаа шалтгаалж 160,000 хүртэлх багцын эмчилгээг хийлгэх юм байна. Тиймээс зарим иргэд 76,000 төгрөгийн эмийн багц авна, заримд нь 50,000 төгрөгийн эмийн багц ч олгогдоно гэдгийг онцлон хэллээ.
Мөн Ковид-19 цар тахлын халдварт өртөн гэрээр эмчлүүлж буй иргэдэд буюу эхний ээлжид 5000 хүн тун антибиотикийг худалдан авахад аймгийн Засаг даргын нөөц хөрөнгөөс нэмэлтээр 100.0 сая төгрөгийг шийдвэрлээд байна. Сум, өрхийн эрүүл мэндийн төв тухайн өвчтөнийг үнэлээд шаардлагатай хүнд антибиотик нэмэлтээр олгох юм байна.
Дорнод аймгийн Хэрлэн суманд 993 иргэн гэрээр эмчлүүлж байгаа бол үлдсэн 700 гаруй иргэд хөдөөгийн 13 суманд гэртээ эмчлүүлж байна.
Like
0
Зөв
0
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
