Цар тахалтай тэмцэж байгаа эрүүл мэндийн салбарын нөхцөл өнөөдөр улам бүр хүндэрчээ. Үүний тод илрэл нь эмнэлэгт орны хүрэлцээний асуудал юм. Өчигдөр биеийн байдал хүнд хүмүүсээ хэвтэн эмчлүүлэх ор байхгүй учраас хүмүүс нь үхэж байна гэх шалтгаанаар БЗД-ийн 11-р хороо Хонхорын ЭМТ-ийн эмч Б.Амгаланбаатар Эрүүл мэндийн яамны гадна эсэргүүцлээ илэрхийлсэн.
Тэрбээр, "Би эмч мэргэжилтэй, эмч хүн. Өвчтөнөө харсаар байж үхүүлмээргүй байна. Яг одоо миний машинд аппараттай дөрвөн хүн байна. Энэ хүмүүсийг хүлээж авах эмнэлэг өнөөдөр алга. Учир нь эмнэлэгт ор байхгүй гэх шалтгаанаар иргэдийг хүнд биетэй нь буцааж байна. Би хүнд байгаа өвчтөнөө яаралтай эмнэлэгт хэвтүүлмээр байна. Ор дэлгэж хүмүүсээ авахыг хүсэж байна" хэмээн өөрийн байр сууриа илэрхийлсэн. Энэ талаар ЭМЯ-наас тодруулахад, "Нэмэлтээр ор дэлгэлээ гэхэд ажиллах эмч мэргэжилтнүүд хүрэлцэхгүй. Бид нөөцөөсөө хэтэрсэн ачаалалтай ажиллаж байна" гэх хариултыг өглөө.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
