Онцгой байдлын газрын алба хаагчид 11-р сарын 26-ны өдөр Улаанбаатарт айлын байшин шатсан гэх дөрвөн дуудлагын дагуу ажиллаж, галыг унтраажээ.
Гал түймрийн шалтгаан нөхцөл нь айл, өрхүүдэд ашиглагдаж байгаа пийшин, зуухны гэмтэл, хэт галлагаа, ил задгай асгасан цогтой үнс нурам, хараа хяналтгүй орхисон бага насны хүүхэд, иргэдийн болгоомжгүй үйл ажиллагаа, зориулалтын бус цахилгааны утасны ашиглалт, цахилгаан хэлхээний хэт ачаалал зэрэг хувь хүний санамсар болгоомжгүй байдлаас үүдэж байна.
- Чингэлтэй дүүрэг 24 дүгээр хорооны нутаг дэвсгэрт байшин шатаж байна гэсэн дуудлагыг 11.26-ны өдрийн 10:25 цагт хүлээн авч, Сүхбаатар дүүргийн Онцгой байдлын хэлтсийн 74, 34 дүгээр анги, Чингэлтэй дүүргийн Онцгой байдлын хэлтсийн 10 дугаар ангийн алба хаагчдыг очиход иргэн Э-ын 9х12 метрийн хэмжээтэй 2 давхар мансардтай байшин, эд хогшлын хамт бүрэн шатаж байсныг ажиллаж унтраасан.
- Баянзүрх дүүргийн 33 дугаар хороонд гарааш шатаж байна гэсэн дуудлагыг 11.26-ны өдрийн 10:32 цагт хүлээн авчээ. Тус дүүргийн Онцгой байдлын хэлтсийн 35 дугаар ангийн алба хаагчдыг очиход иргэн Д-ийн 12х12 метрийн хэмжээтэй гарааш шатаж байсныг ажиллаж унтраасан.
- Чингэлтэй дүүрэг 8 дугаар хороо байшин шатаж байна гэсэн дуудлагыг 11.26-ны өдрийн 17:04 цагт хүлээн авсан. Тус дүүргийн Онцгой байдлын хэлтсийн 10 дугаар ангийн алба хаагчдыг очиход иргэн Ч-ийн 16х6 метрийн хэмжээтэй байшингийн 4х6 метрийн хэмжээтэй өрөөг түрээслэгч иргэн Д-ийн өрөөнд яндангийн цонолт үүсэж тааз хэсэг шатаж байсныг ажиллаж унтраасан.
- Сүхбаатар дүүрэг 19 дүгээр хороо Майхан толгойн задгайд байшин шатаж байна гэсэн дуудлагыг 11.26-ны өдрийн 22:10 цагт хүлээн авсан. Тус дүүргийн Онцгой байдлын хэлтсийн 74 дүгээр ангийн алба хаагчдыг очиход эзэмшигч тодорхойгүй 7х5 метрийн хэмжээтэй байшин бүрэн шатаж байсныг унтрааж, дүүргийн Цагдаагийн хэлтсийн Эргүүлийн офицерт хүлээлгэн өгсөн гэж ОБЕГ-аас мэдээллээ
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
