УИХ-ын чуулганы өнөөдөр /2024.12.13/-ийн нэгдсэн хуралдаанаар Улс төрийн намын тухай хууль /Шинэчилсэн найруулга/-ийг дагаж мөрдөх журмын тухай хуульд өөрчлөлт оруулах тухай хуулийн төслийг хэлэлцлээ.
Хуулийн төслийн эцсийн хэлэлцүүлгийг хийсэн талаарх Төрийн байгуулалтын байнгын хорооны санал дүгнэлтийг УИХ-ын гишүүн, МАН-ын бүлгийн дарга Л.Мөнхбаатар уншиж танилцуулав.
Намын үйл ажиллагаа, дүрэм нь хуульд нийцсэн байх, намын дотоодод шийдвэр гаргах, хэлэлцэх үйл явц нь ил тод, гишүүддээ нээлттэй байх, намын дотоод зохион байгуулалт ардчилсан зарчимд нийцсэн байх гол шалгуурыг хангах ёстой. Улмаар улс төрийн намуудад өрсөлдөөний ижил нөхцөл бий болгох үүднээс тус дагаж мөрдөх журмын тухай хуулийн нэг заалтын үйлчлэх хугацааг хойшлуулах асуудал хөндөгдсөн.
Парламентад суудалгүй улс төрийн намуудаас гаргасан хүндэтгэн үзэх хүсэлт, шаардлагыг нь хүлээн авч цаг хугацааны боломжийг олгож, Төрийн байгуулалтын байнгын хорооны дарга Ж.Бат-Эрдэнээр ахлуулсан ажлын хэсэг, УИХ-ын нэр бүхий 20 эмэгтэй гишүүдээс ирүүлсэн “2027 оны 08 дугаар сарын 01-ний өдрийн дотор” гэснийг “2025 оны 12 дугаар сарын 31-ний өдрийн дотор” болгох санал Төрийн байгуулалтын байнгын хорооны хуралдаанаар дэмжигдэж, өнөөдөр чуулганы нэгдсэн хуралдаанд оролцсон УИХ-ын 90 гишүүний 87 гишүүн дэмжиж санал өгснөөр эцэслэн батлагдаж байна.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
