ХӨСҮТ: Хатгаатай хүүхдэд эргэлтээр хоол авах бол сонгино, саримс хийхгүй байхыг зөвлөж байна

Төр.мн I www.tur.mn

2024-12-14

ХӨСҮТ-өөс томуу, томуу төст өвчний талаар өнөөдөр /2024.12.13/ ээлжит мэдээллээ хийлээ.

Эмнэлэгт суурилсан тандалтын нэгжүүдийн мэдээллээр 10 мянга гаруй хүн хэвтэн эмчлүүлж байгаагаас 33 хувь нь амьсгалын замын цочмог хүнд халдвар гэсэн оноштойгоор хэвтэн эмчлүүлж байна. Мөн нийт өвчлөгсдийг насны бүлгээр авч үзвэл 80 орчим хувь нь 15 хүртэлх насны хүүхдүүд, үүн дотроо 60-70 хувийг 0-4 хүртэлх насныхан эзэлжээ. Түүнчлэн нийслэлийн хэмжээнд 2400 гаруй хүүхэд эмнэлэгт хэвтэн эмчлүүлж байгаагаас 90 орчим хувь нь уушгины хатгаатай байна.

ХӨСҮТ-өөс томуу ба томуу төст өвчний эсрэг гэрээр ямар арга хэмжээ авах, хүүхэд нь эмнэлэгт хэвтсэн бол ямар дэглэм баримтлах талаар зөвлөмж хүргэлээ. Гэрээр эмчилгээ хийж байгаа тохиолдолд хүүхдийн амьсгалыг олширч буй эсэхийг анзаарах хэрэгтэй. 2 сартай хүртэлх хүүхэд нэг минутад 60 буюу түүнээс дээш удаа амьсгалах 2 сараас дээш сартай хүүхэд 50 буюу түүнээс дээш удаа амьсгалах 1-5 настай хүүхэд минутад 40-ээс дээш удаа амьсгалж байвал уушгины хатгалгаа нь хүндэрч буйг илтгэдэг.

Мөн хамар, уруулын хэсэг хөхөрч буйг ажиглах хэрэгтэй. Усгүйжилтийн шинжтэй байгаа эсэх буюу сүүлийн 8 цаг хангалттай шингэн уусан ч шээхгүй байх, уйлсан ч нулимс гарахгүй, уруул омголтож хуурайшиж байвал усгүйжилтийн шинж юм. Булчингаар шархирч өвдөх. Харьцангуй том буюу өсвөр насны хүүхдүүд цээжээр өвдөх, толгой өвдөх шинж тэмдгийг хэлдэг. Харин бага насны хүүхэд ээж аавдаа тэврүүлэх, уйлагнах, алхах дургүй байх зэрэг шинжээр илэрнэ. Хатгаатай хүүхдийн дэргэд электрон тамхийг татах нь өвчнийг сэдрээх эрсдэлтэй. Халууралтын зайг хянах. Хоногт хоёр удаа халуурдаг байсан бол 6-4 цагийн зайтай болж ойртож байгаа бол гэрийн эмчилгээ үр дүнгүй, тухайн өвчин хүндэрч байгааг илтгэдэг. Эдгээр эмнэлзүйн шинж илэрвэл хамгийн ойр эрүүл мэндийн төвд хандах шаардлагатай.

Шар өнгөтэй жимсийг хориглоно. Учир нь шар өнгийн жимс нь харшил сэдрээх нь өндөр байдаг. Эмнэлэгт хүүхдэд эргэлтээр жигнэмэг, ундаа зэрэг сахар ихтэй хүнсний бүтээгдэхүүн, шар өнгөтэй жимсийг хориглодог. Учир нь Шар өнгийн жимс нь харшил сэдрээх нь өндөр байдаг. Хүүхдийн тасагт хэвтэн эмчлүүлж байгаа үед эмнэлгийн хоолонд хангалттай цаддаг, нэмэлт хоол хүнс авах зайлшгүй шаардлага бага байдаг.

Хэрэв үнэхээр онцгой шаардлага гарвал хоолонд сонгино, саримс хийхгүй байхыг зөвлөлөө. Хүүхэд эрүүл болоод эмнэлгээс гарахад дээрх хүнсний бүтээгдэхүүнийг хэрэглэж болно. Хатгаатай хүүхдийн дэргэд утаат тамхийг татах тохиолдол гардаг. Хэдий энэ нь янжуур тамхийг бодоход хурц үнэргүй ч өвчнийг сэдрээх эрсдэлтэй байдаг. Амьсгалын замаар өвчилсөн хүүхдийн дэргэд хурц үнэр гаргахгүй байх дэглэм маш чухал байдаг гэдгийг Халдварт Өвчин Судлалын Үндэсний Төвөөс мэдээллээ.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

ӨМНӨХ МЭДЭЭ

ХӨСҮТ: Хатгаатай хүүхдэд эргэлтээр хоол авах бол сонгино, саримс хийхгүй байхыг зөвлөж байна

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 0

Онцлох мэдээ

Холбоотой мэдээнүүд