Нийслэлийн иргэдийн төлөөлөгчдийн хурлын төлөөлөгч Ж.Батбаясгалангийн уушгитай “ярилцлаа”. Уушги нь хэлж байх юм. “Би Ж.Батбаясгалангийн уушги байна. Би худлаа хэлэхгүй ээ. Утаа буурсан, утааг ялсан” гэв.
Би өөрийнхөө уушгитай ярилцлаа... Хөөрхий юу ч дуугарсангүй. Яав, ийв гэтэл... “кахххх каааххх, у у у ууу, ут аааа...” гэснээс өөр юм хэлсэнгүй.
Хэнийх нь уушги ийм сэргэлэн цовоо, итгэл төгс байгаад... хэнийх нь уушги хөөрхий ээрч муурсан, харласан байдаг байна аа гэж... Тэгтэл хөөрхий УЛНЫ ХҮМҮҮСИЙНХНИЙ УУШГИ байж. Дарга нарын уушги ч СЭРГЭЛЭН, ЦОВОО байна шүү...
Улаанбаатар хотын иргэн, залуу үеийн төлөөлөл хүний хувьд энэ төр засагт гутарч явах юм. Утааг ялсан гээд уушгитайгаа ярилцаж байсан нөхөр өнөөдрийн энэ байгаа байдлыг хараад, хэлсэн үгэндээ ИЧДЭГ болов уу гэж...
Түгжээг тайлна гэж дөрвөн жилийн өмнө уриа лоозон дэвшүүлж ялж, НИТХ-ын даргын албыг дөрвөн жил хашсан нөхөр энэ түгжрэл, нийгмийн уруудлыг хараад САНАА НЬ ЗОВДОГ болов уу гэж...
Нийслэл хотын хөгжил дэвшил, бүтээн байгуулалт, хүн ардын эрүүл аюулгүй амьдрах нөхцөлийг бүрдүүлэхэд олон жил үр бүтээлтэй ажиллаж, үнэтэй хувь нэмэр оруулсан гэж нийслэлийн дээд "Хангарди" одонгоор шагнуулсан Ж.Батбаясгалангийн “БӨГС” УЛААСАН болов уу...” санаа зовох юм.
Үгүй юм аа... Тэд энгийн нэг хүнээс тэс өөр юм. Тэдэнд ичих нүүр, ичих булчирхай байдаггүй юм байна.
Утааг ялсан гэж, Хотын иргэдийн эрүүл аюулгүй амьдрах нөхцөлийг бүрдүүлсэн гэж магтуулж явааг нь хараад ОГИУДАС хүрч, ой гутсанаа нуух юун.
Ийм “МУНДАГ” хүн нийслэлийн удирдлагын түвшинд өчнөөн олон жил ажиллачхаад байхад дөнгөж одоо “ХАНГАРДИ” одонгоор шагнаж байх гэж. Харин ч түүнийг УТААГ ЯЛЖ, ТҮГЖЭЭГ ТАЙЛЖ, хотоо хөгжүүлж, хүн ардын эрүүл аюулгүй амьдрах нөхцөлийг бүрдүүлэхэд олон жил үр бүтээлтэй ажиллаж, үнэтэй хувь нэмэр оруулсныг нь үнэлж 2024 оны ШИЛДЭГ УЛС ТӨРЧӨӨР шалгаруулах саналтай байна.
Хотын иргэд минь Ж.Батбаясгаланг дэмжээд ШИЛДЭГ УЛС ТӨРЧӨӨР шалгаруулъя...
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
ийм луйварчин улс төрчдөөс л татгалзчих хэрэгтэй.
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
