Улсын хэмжээнд “Ковид-19” цар тахлын шинээр бүртгэгдсэн тохиолдол буурахгүй, нас баралт өмнөх өдрүүдээс нэмэгдсээр байна. Нийслэлийн удирдах ажилтны шуурхай зөвлөгөөний үеэр “Иргэд халдвар авсан бол эмнэлэгт хэвтэх сонирхолтой, халдвар авсан иргэн болгоныг хэвтүүлэн эмчлэх боломжгүй, эмнэлгүүд хүний нөөцийн хомстолтой, машин хүрэлцээгүй байгаа” гэдгийг онцолж байсан. Тухайлбал, улсын хэмжээнд хэвтэн эмчлүүлэгчдийн 22 хувь, нийслэлийн хэмжээнд 19 хувь нь хөнгөн, хөнгөвтөр өвчтөнүүд байгаа юм. Иймд нэг хороонд коронавирусийн 300-аас дээш тооны батлагдсан тохиолдол илэрвэл тус хороонд тусламжийн нэмэлт баг ажиллуулж байгаа аж. Нийслэлийн хэмжээнд 35 хороод ачаалалтай байгаагаас гадна эмч, сувилагч нарын ажлын ачаалал ихсэж байгаа энэ үед 167 эмч, 146 сувилагч, туслах ажилтан, бусад 195 ажилтан өөрийн хүсэлтээр ажлаасаа гарсан байна. Мөн нэмэлтээр 600 орчим эмч, эмнэлгийн ажилтан нэн яаралтай ажиллуулах шаардлагатай байгаа юм.
Like
0
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
