Монголчууд улс төрчдөд дургүй. Энэ дургүй байдлыг Л.Оюун-Эрдэнэ “ЗАЛУУ ШИНЭ ҮЕ ИРЛЭЭ” гэж овжин ашиглаж М.Энхболдыг УИХ-ын даргаас нь буулгах жагсаал зохион байгуулж, “МАНАН”-г нурааж буйгаа зарлаж байсан нь саяхан санагдана.
Тэр үед нээрээ л газрын наймаачин, МАНАН-гийн эзэн М.Энхболдыг “унагаачих” юм бол бүх зүйл сайхан болно гэж эгээтэй л бодож, Л.Оюун-Эрдэнийг ард түмэн дэмжиж байв. Худал хэлэхгүй ээ... би ч бас залууст ИТГЭЕ гээд дэмжиж байсан нэгэн.
“БИ ЮУ ХИЙЧХЭВ ЭЭ”... гээд жүжигчин Б.Амарсайхан лаа асааж байсныг эргэн санамаар санагдав. Л.Оюун-Эрдэнэ тэр жагсаалаас хойш олны анхаарлын төвд орж бараг л “ХҮСЭМЖИТ УЛС ТӨРЧ” болсон.
Түүнээс хойш 6 жил өнгөрч Л.Оюун-Эрдэнэ ЗГХЭГ-ын дарга, МАН-ын дарга, Ерөнхий сайдыг хоёр ч удаа хийж 6 жил МОНГОЛЫГ УДИРДАЖ байна. Даанч хөөрхий санаа байвч сачий нь хүрэхгүй гэдэг шиг залуу улс төрч Л.Оюун-Эрдэнэ улс эх орныг аваад явчих хэмжээний чадалтай нэгэн биш юм гэдгийг ард түмэн харж, амаа барьж, халаглаж сууна...
Утааг хар!!!.... Л.Оюун-Эрдэнэ ерөнхий сайд хийж буй 5 жилд утааг яагаад бууруулж чадаагүй юм. Яг юу хийсэн юм бэ...? Олон хүүхэд угаартаж үхэж, утаанд хордож байхад ерөнхий сайд хийж байсан ...
Хулгайчдыг хар!!!... Журмын нөхөд нь төрөөс хулгай хийж байхад хулгайчидтай яаж тэмцсэн юм бэ? Ямар үр дүн гарав. Хамт ШУДАРГА ТАВ хэмээн жагсаж байсан Т.Аюурсайхан, журмын нөхөр Ж.Мөнхбат нь ТӨРӨӨС ХУЛГАЙ хийж байхад тэр хажууд нь нэг танхимд байж л байсан.
Ядуурлыг хар!!!... Өдрийн хоолоо дөнгөж аргалж, тал талх, өмх махны төлөө үнийн өсөлтийн эсрэг чадлаараа зүтгэж гүрийж байгаа ард түмнийхээ амьдралыг дээшлүүлэхийн төлөө яг юу хийсэн юм бэ?
Сүржин мэдэгдэж, даржин хэрэгжсэн 5Ш ажиллагаа нь ямар үр дүнтэй байсан юм бэ? Хэдэн төрийн албан хаагчдыг л халж, ганц, хоёр хүнээр туг тахисныг эс тооцвол ёстой л “ХУД” болсон дог.
Огцор, огцор гэж жагсдаг иргэд гэнэт л АЖЛАА ХИЙ гээд жагсаж эхлэв. Үнэндээ шинэ үе өөр болоод “АЖЛАА ХИЙ” гэж жагссан юм биш... Л.Оюун-Эрдэнэ “өөрийгөө хүчтэй, миний ард олон түмэн бий... Би ард иргэдтэй нийлээд яавал ч яана шүү...” гэж зарим бүлэглэлүүдэд харуулах гэж зохион байгуулалттай хийсэн жагсаал гэж би дүгнэдэг. Жагсаалаар гарч ирээд хэлсэн хоёрхон үгийг би түүнээс цааш хэдэнтэй сонссон байдаг.
”АМАРГҮЙ НӨХЦӨЛ БАЙДАЛ”, “АМАЛЖИЙНАА”. Бас дахиад л сонслоо.
Олон жил бугшсан, хүчирхэгжсэн том бүлэглэлийн эсрэг анх хүчин мөхөстөж байсан байж болох... Гэхдээ Л.Оюун-Эрдэнэ одоо өөрөө том бүлэглэлийг толгойлж буй... Түүнд МАН нь байна. Засгийн газар нь байна... Бүх зүйлийг атгаж байна. 5хан сар биш 5 жил атгаж байна... Хийвэл хийгээд, хэрэгжүүлбэл хэрэгжүүлээд, үр дүнг нь үзвэл харагдахаар, амьдрал сайжирвал сайжрахаар хугацаа...
Даанч... тэр чадсангүй, бас чадах ч үгүй юм байна гэдгийг ч харлаа.
2024 оны сонгуулиар Л.Оюун-Эрдэнэ, МАН “мундаг” болохоор ард иргэд олонх болгосон юм биш ээ... Сөрөг хүчин байхгүй, Ардчилсан нам нь арчаагаа алдсан, ХҮН нам нь эрх баригчдынхаа халаасанд орчихсон, бусад нь шалдаа буусан болохоор СОНГОЛТГҮЙ СОНГОЛТЫГ ард иргэд хийсэн юм.
Шинэ он гарлаа... Хавар ч ирж байна. Хаврын улс төр ширүүн эхлэх нь. 5 жил Ерөнхий сайд хийсэн Л.Оюун-Эрдэнийн засгийн газар ГАНХАЖ эхлэх нь... Нэлээн ширүүн УЛС ТӨРЖИЛТ явагдах нь дээ...
2019 оны нэгдүгээр сард Л.Оюун-Эрдэнэ М.Энхболдыг УИХ-ын даргаас нь буулгаж байлаа.
2021 оны нэгдүгээр сард Л.Оюун-Эрдэнэ Ерөнхий сайд болж байлаа...
Харин 2025 оны нэгдүгээр сард...?
Нийтлэлийг Төр.мн сайт
Б.БАДАРЧ
Like
1
Зөв
0
0
Буруу
0
Воов
0
Уйтгартай
0
Дуртай
Ажлын ахиц өөрчлөлт байнаа байна. Хамгийн гол нь парламентыг олон намын тогтолцоонд шилжүүлсний үр дүнд олон жил гацсан томоохон таслүүд хөдөлж эхэллээ. Ард түмэн баялагын сангаас хүртдэг болж байна. Бүсчилсэн хөгжлийн суурь баттай тавигдаж, маочид хоршоололд нэгдэж орлого нь нэмэгдэж байна гээд тоочвол ажил байнаа. Мэдээж авилгал хээл хахуул, трөийн болон эрдэс баялагын хулгайч нартай хийх тэмцэлд ахиц өөрчлөлт гарахгүй баЙНА. Энэ бол Засгийн газартай бус Шүүх прокурорын байгуулагатай илүү холбоотой иргэд ойлгодог болсон. Бас нэг ахиц гараагүй зүйл бол МАнын доторхи хулгайчуудтай олигтойхон зоригтой тэмцэж чадахгүй баЙНА..
Мэдлэг чадвар нь дутаж байгаагаас гадна энэ залуугийн сэтгэл бүр илүү дутаж байна. Огцруулъя..
Бид түүнд их итгэсэн, гэвч тэр манцуйтай хүүхэд адил ам хөдлөх болгондоо ард түмэндээ амалжинээ,амаргүй байна гэнэ үнэхээр түүний үе олонхи бн ,яагаад ингэж хэлээд байдаг юм бол хүний бэлдсэн үгийг уншиж буй аятай болчихлоо, урт гар түүнийг боомилж,цагаан захтнууд хөдөлгөхгүй байгаа юм шиг.Түүнд гал цог ч алга ,бидний итгэлийг алдлаа, одоо тэр яагаад ажил хийж болдоггүй, хэн хэний дарамт ирдэгийг гэрчлэх, зоригтой дуугарч үнэнг илчлэх үлджээ..
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
