Мэргэжлийн боксын хүнд жингийн дэлхийн аварга асан Владимир Кличко дэвжээндээ эргэн гарахаар болжээ. Мэргэжлийн боксын домгууд болох Рой Жонс, Майк Тайсон, Леннокс Льюис, Эвандер Холифильд нар ээлж дараалан дэвжээнд гарч, дэвжээнд гарахаар завдаж байгаа нь Владимирт нөлөөлсөн бололтой, бокстоо эргэж ирнэ гэж мэдэгдлээ. Гэхдээ өмнөх нэрүүдээс ялгаатай нь тэрээр үзэгэлэнгийн тоглолт биш, жинхэнэ дээд түвшинд тулалдах сонирхолтой байна. Хэдий оргил үеэ өнгөрөөсөн ч тэрээр бэлтгэл сайтай байгаа бөгөөд хамгийн ахмад насандаа дэлхийн аварга болсон Жорж Формэний амжилтыг ахиулах итгэл төгс байгаа аж.
45 настай Владимир Кличко бокстоо эргэн ирнэ
Зодог тайлсснаасаа хойш тэрээр боксоосоо огт хөндийрөөгүй бөгөөд Энтони Жошуад Жон Руисыг хэрхэн ялах зөвлөгөөг өгч, Эвандер Холифильдыг эргэж ирэхэд нь бэлтгэж байсан юм. В.Кличко 2017 оны дөрөвдүгээр сард Энтони Жошуатай тэнцүүхэн, өрсөлдөөнтэй тулалдаж ялагдсанаасаа хойш мэргэжлийн тулаан хийгээгүй байгаа билээ. Уйтгартай тулалддаг, сонирхогчдын стильтэй гэж шүүмжлэгддэг байсан тэрээр тэрхүү тулаан дээр араатан мэт зодолдсоор дийлдэж байв. “The Ring” сэтгүүл уг тулааныг оны шилдгээр нэрлэж байсан билээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
