Монгол улсын яам, агентлагийн дарга нар жилийн жилд л амины болон амьжиргааны гэх нэрийдлээр олон ч машиныг сольж, хослуулж унадгийг хэн хүнгүй мэднэ. Өмнөх засаг унасан болохоор 200 саяар дахиад өөр машин унах төсөв баталдаг баян улс бол Монгол улс. Үүний тод жишээ бол 195 сая төгрөгөөр автомашин худалдан авах тендер зарласан Хөвсгөл аймгийн ЗДТГазар. Чухам тэд 195 сая төгрөгийн үнэ бүхий машин авах нэн шаардлагатай байсан уу? Үнэхээр үнэтэй машинаар дарга нараа хүргэж авах ёстой байсан уу? гэдгийг тэд өөрсдөө л мэдэх байх.
Бусад улс орны парламентын гишүүд чамин тансаг автомашин хөлөглөж явах битгий хэл энгийн автомашин ч унахгүй дугуй унаж явдаг жишээнүүд ч их бий.
Хүнд цаг үеүдэд бусад улс орон ард түмнийхээ эрүүл мэнд, сайн сайхны төлөө хэрэггүй, тансаглал болсон хэрэглээг танаж, хэвшиж байхад, манайд харин ч эсэргээрэй хэдэн арван сая битгий хэл хэдэн зуун саяар нь ард иргэдийн татвараар тансаглаж байгаа нь тодхон. Тодруулбал, өмнөх засаг уналаа гээд шинэ засаг, сайд нарын өрөө, алхах гишгэх хүрэх, харах бүх орчинг ард түмний татвараар өөрчилж сольдог. Эд материал, эдэлж хэрэглэж байгаа зүйлс үнэхээр муудаагүй, зүгээр л тэд өөр орчныг бүрдүүлэхийг хүсэж, хэрээс хэтэрсэн тансаглалыг хүсэж байгаа нөхцөл. Гэтэл дэлхий улс орон даяар КОВИД-19 цар тахалтай нүүр тулж нийгэм, эдийн засаг,боловсрол, соёл урлаг гээд бүхий л салбарт ухралт бий болсон ч манайд энэ зүйлс огтоосоо нөлөөлөхгүй байгаа гэдгийг 195 сая төгрөгийн автомашин худалдаж авах тансаглалөөс харж болно.
Ард түмний хумсаа хугалан барин хайртай гэр бүлээсээ харамлан барин улсдаа өгдөг татвараас 200 орчим сая төгрөгөөр автомашин худалдан авахынхаа оронд Хөвсгөл аймагт юу хийж болох байсныг та нэг бодоод үзээрэй. Засаг дарга аа...
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
