Үндэсний өв соёлоо сэргээн, хамгаалах, хадгалан үлдэхийг уриалж уяачид, малчид, иргэд өнөөдөр /2025.01.25/ төв талбай дээр МОРЬТОЙ ТАЙВАН ЖАГСААЛ зохион байгууллаа.
Үндэсний өв соёлыг устгах, гутаах оролдлогыг удаа дараа хийж буй No naadam, No Tsagaan sar зэрэг хөдөлгөөнийг эсэргүүцэж, өв соёлоо хайрлан хамгаалж, хүндэтгэн дээдлэхийг жагсагчид уриалан “Дүнжингарав" хаврын морин уралдааныг дахин зохион байгуулдаг болохыг хүссэн юм.
Сүүлийн жилүүдэд цагаан сар, наадам, морин уралдаан, бөхийн барилдаан зэрэг үндэсний уламжлалт соёл, Монголын ондоошил болсон Эрийн гурван наамдыг зохион байгуулахгүй байх, үгүйсгэх зэрэг нөлөөллийн зохион байгуулалттай, гадны санхүүжилттэй хөдөлгөөн, жагсаал болох болсон бөгөөд үүнтэй зэрэгцэн Өвөрмонгол өвөл, хаврын морин уралдаан уралдааныг Хятадын өв соёл мэтээр сурталчлах болсон нь Монгол Улс үндэсний өв соёлоо гээх, алдах эрсдэлд хүрч байгааг жагсагчид илэрхийллээ.
Жагсагчид Монгол Улсын Ерөнхийлөгч У.Хүрэлсүх, УИХ-ын дарга Д.Амарбаясгалан, Монгол Улсын Ерөнхий сайд Л.Оюун-Эрдэнэ нарт Үндэсний өв соёлоо дээдлэн хамгаалах, дахин сэргээх тухай шаардах бичиг хүргүүллээ.
Өнөөдрийн МОРЬТОЙ ЖАГСААЛД 800 орчим морьтонгууд оролцож үзэл бодлоо илэрхийлж жагслаа.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
