Салбар салбар руу үсчиж, сайн муу хэлэгддэг эрхэм даргын үнэн төрх энэ билээ. Загварын ертөнцөөс урлагийн руу үсэрч, урлагаас улс төр рүү орсон алдартай аав хүү Ж.Дамдинцэрэн нялх балчир хүүхдэдээ харьцуулагдаж явна.
Угтаа бол тэрбээр хүүхдүүдэд үлгэр дуурайлал болж явах ёстой нэгэн. Даанч байгаа байдал нь энэ аж. Монголчууд түүнд зориулж “эдээр биеэ чимэхээр, эрдмээр биеэ чим” гэх үгийг дааж эхэлж. Учир нь түүний эдэлж, хэрэглэж, өмсөж буй зүйлс нь гадаадын баячуудаас дутах зүйлгүй ч дарга хийх хэмжээний мэдлэг, чадвар байхгүй байгааг шүүмжлэв. Үг, үйлдэл, ажил нь тэнгэр газар шиг зөрүүтэй, зөвхөн сайхан харагдах гэж хичээдгийг нь харахад өрөвдөлтэй
Тэрбээр алдартай аавынхаа ачаар 2016 оноос өнөөдрийг хүртэл Нийслэлийн Соёл урлагийн газрын даргаар ажиллаж, даргын буурь суужээ. Саяхан тэрбээр олны хараанд өртөх аргаа олж ядсан уу гэмээр “тэнэглэл” хийсэн нь хүмүүсийн шүүмжлэлийн бай болоод байна. Тоорой бандийн дүрд тоглох гэсэн биш тоогүй юм болж шившгээ дахин дэлгэнгээ алдав.
Нийслэлийн А бүсэд дэлхийд данстай уран бүтээлч, барималч А.Очирболдын “Ухамсар” гэх бүтээл олны хүртээл болж гайхагдаж байхад урлагийн бүтээлтийг брэндийн гутлаас дор үзэн” уландаа” гишгэсэн нь эгдүүцэл төрүүлсэн. Нийгмийг соён гэгээрүүлэх үүрэг хүлээсэн эрхэм дарга нь урлагийн үнэ цэнийг ойлгохгүй байхад болхи байрын иргэд яаж урлагийн үнэ цэнийг мэдэх билээ.
Жирийн нэг иргэн уг бүтээл дээр гарч бахдалтайгаар зургаа авхуулсан бол хэдийнэ олон нийтийн “бай” болчихсон байх. Гэтэл “арьсаа хамгаалагч” дарга уран бүтээлч нь гарч болно гэсэн гээд өөрийгөө өмөөрсөн бичвэр бичээд суух нь бүр шившигтэй. Гэтэл зургаан настай балчир “Ухамсар” бүтээлийг ойлгож байхад хурган дарга зургаа авхуулах хэмжээнд “ойлгожээ”.
Сайн нэрийг хүсэвч олохгүй, Муу нэрийг хусавч арилахгүй гэдэг шиг түүний омоглон үедээ хийж ирсэн балаг сэдэрсээр...
НСУГ-ын дарга Ж.Дамдинцэрэн үе үе сэржим өргөдөгч заримдаа хэтрүүлчихдэг нэгэн. Ингэхдээ доод албан тушаалтандаа “шанаа” өгч шаралхуулж байсан ч тэр хэрэг битүүхэндээ дарагдаад өнгөрөв. Эцэст нь Ноёны хүүгээр оролдсон журмын анд ажилгүй болж ноёны хүү зөөлөн суудал дээрээ үлдэж, урлагийн бүтээлийг “урландаа гишгэж”, улангассан аашаа цахим орчинд гаргана.
Ардын жүжигчин, Хөдөлмөрийн баатар, Хөгжмийн зохиолч Н.Жанцанноровын алдар цууг аавын хүү унагааж байгааг харахад "зүрх эмтрэм".
Like
0
Зөв
1
1
Буруу
0
Воов
1
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
