Улс оронд тоо томшгүй олон асуудал байхын зэрэгцээ гаргалгааг олох, шийдэл гарцыг хайх, Төр, засгийн үйл ажиллагааг сайжруулах, хуулийн цоорхой, хуулийн хийдлийг гаргах, иргэдийн ажиллаж, амьдрахад таатай эрхзүйн орчныг бүрдүүлж, шинэчлэх гээд олон асуудал бий.
Энд өөрийг нь сонгосон ард иргэдийн санаа бодлыг шийдвэр гаргах түвшинд хүргэж, хууль батлах, санаачлах, хуулиа сурталчлах, хяналт тавих гээд УИХ-ын гишүүний үндсэн чиг үүрэг, хийх ажил их бий.
Гэтэл зарим гишүүдэд ХИЙХ АЖИЛ олдохгүй байгаа бололтой. Хийсэн, хийж буй ажлаараа дэлгэцийн өмнө гарч чадахгүй, хэлэх үггүй, хийсэн гэх ажилгүй гишүүд эхнээсээ ЯРИЛЦЛАГА хөтөлж дэлгэцийн урд гаргах болжээ.
Батлан хамгаалахын сайд С.Бямбацогт “Бямбын урилга” нэртэй контент хийж байгаа юм гэнэ. Анхны зочноороо УИХ-ын гишүүн О.Батнайрамдалыг оролцуулж АХ ХҮНИЙ ХУВИАР ХЭДЭН ҮГ хэлж , зааж зөвлөх гэнэ.
Батлан хамгаалахын салбар Монгол Улсын тусгаар тогтнолыг батлан хамгаалах, аюулгүй байдлыг бэхжүүлэх гээд хамгийн чухал салбар. Энэ салбарт аюулгүй байдал, ёс зүй, цэрэг армийн дэг журмыг сахих, цэргийн амь насыг хамгаалах, зэвсэгт хүчний шинэчлэл гээд олон асуудал толгойтой үснээс нь их байхад сайд С.Бямбацогт нь 50 насныхаа төрсөн өдрөө дарга нартайгаа хамт төсвийн мөнгөөр тэмдэглэхтэй зэрэгцээд сэтгүүлчийн ажил хийгээд ярилцлага хөтлөөд явна.
.JPG)
С.Бямбацогт Зам, тээврийн хөгжлийн сайд, Хуульзүй, дотоод хэргйн сайд, байнгын хороооны дарга гээд олон ч өндөр албан тушаалыг хашсан, 20 жил улс төрд яваа нэгэн. С.Бямбацогт шинэхэн гишүүдэд зааж зөвлөх гэж байгаа бол төрийн ордоныхоо тухтай өрөөндөө аяга кофе уунгаа 5,10 минут ярилцаж боломж түүнд бий. Харин тэрбээр хийсэн ажлаараа бус харин цахим орчинд, олон түмэнд “ЧУХАЛ ХҮН” мэт харагдахыг хүсжээ.
УИХ-ын гишүүн Б.Бат-Эрдэнэ буюу олонд “ЖДҮ Бат-Эрдэнэ” гэж нэрлэгдэх болсон тэрбээр 126 parliamemt нэртэй ярилцлага хийж эхэлжээ. УИХ-ын гишүүн Г.Тэмүүлэнг оролцуулан төсвийн талаар ярилцах аж. Б.Бат-Эрдэнэ улс төрийн “том бүлэглэлийн гишүүн”, том артай учраас ЗГХЭГ-ын дэд даргаас ШӨХТГ, ШӨХТГ-аас БОАЖ-ын сайдаар “КРАНДУУЛЖ” явсан улс төрд байдаг л нэг “ПОП” нөхөр.
Сайд байхдаа гадны инфлүүсертэй хэдэн зураг татуулснаар өөрөөр онцгойлж дурдах, санаад орох ажилгүйн зэрэгцээ 3 жил сайдаар ажиллахдаа утааг бууруулахад ДОРВИТОЙ юу ч хийж чадаагүй буусан нэгэн.
Ингээд гишүүн болсон хагас жилдээ онцгойлж хэлэх ажил үгүй тул дэлгэцийн урд гарч ОНЦГОЙРОХЫГ хүссэн нь энэ бололтой.
УИХ-ын гишүүд нь үндсэн ажлаа бус сэтгүүлчийн ажил хийх болсон нь “ХЭЛЭХ ҮГГҮЙ” хүний олонд хэдэнтээ харагдахыг хүссэний илрэл шиг.
Б.Бат-Эрдэнэ, С.Бямбацогт нар ихэд хийцгүйрч, хийх ажил олдохгүй байгаа бололтой. Тийм бол гишүүний ажлаа өгөөд ТВ-ийн хөтлөгчөөр ажиллабал ямар бэ....!!!
Төр.мн
Like
1
Зөв
0
1
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
