Цасны зузаан: Өнөө өглөөний цаг уурын станц, харуулын цасны зузааны мэдээгээр баруун, төв, зүүн аймгуудын ихэнх нутаг, говийн аймгуудын нутгийн зүүн болон хойд хэсгээр 0.0-22.0 см цасан бүрхүүл тогтсоноос хамгийн их нь Сэлэнгийн Бугантад 22.0 см, Баянхонгорын Гурванбулагт 20.0 см, Увсын Давст, Завханы Баянхайрханд 19.0 см, Цагаанчулуут, Түдэвтэй, Тэс, Сонгино, Увсын Улаангомд 18.0 см, Тэсэд 17.0 см, бусад нутгаар 0.0-16.0 см зузаан цасан бүрхүүл тогтсон байна.
Хур тунадас: Өнгөрсөн хоногт баруун болон төвийн аймгуудын нутгийн зарим газраар 0.0-0.6 мм цас орсон байна. Үүнээс хамгийн их нь Ховдын Дарви, Зэрэг, Говь-Алтайн Халиун, Дархан-Уулын Орхон, Өвөрхангайн Өлзийтөд 0.4-0.6 мм, бусад хэсгээр 0.0-0.3 мм цас орсон байна.
Агаарын хамгийн их температур: Өчигдөр өдөр Увс нуур болон Дархадын хотгор, Завхан голын эх, Тэс, Ерөө голын хөндий, Дарьгангын тал нутгаар -22…-28 градус, Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг Үүр, Орхон, Сэлэнгэ, Хараа, Туул, Тэрэлж, Хэрлэн, Халх голын хөндийгөөр -15…-21 градус, говийн бүс нутгийн баруун өмнөд хэсгээр -3...-8 градус, бусад нутгаар -9…-14 градус хүйтэн байв.
Агаарын хамгийн бага температур: Өнгөрсөн шөнө Увс нуур болон Дархадын хотгор, Завхан голын эх, Цэцэгнуур, Тэс, Байдраг, Халх голын хөндийгөөр -32…-40 градус, Их нууруудын хотгор, Хөвсгөл, Хэнтийн уулархаг нутаг, Хүрэнбэлчир орчим, Идэр, Орхон, Сэлэнгэ, Хараа, Ерөө, Туул голын хөндий, Дарьгангын тал нутгаар -26…-31 градус, Хангайн нурууны өвөр бэл, цас багатай газар, Эг-Үүр голын хөндий, говийн бүс нутгийн баруун өмнөд хэсгээр -13…-18 градус, бусад нутгаар -19…-25 градус хүйтэн хонов.
Cалхи: Өнгөрсөн хоногт ихэнх нутгаар секундэд 5-10 метр, говь, тал, хээрийн нутгаар секундэд 9-14 метр, зарим үед секундэд 20-22 метр хүрч ширүүссэн байна.
Улаанбаатар хот орчмоор: Өчигдөр өдөр цас ороогүй. Өнгөрсөн шөнө 0.2-0.3 мм цас орсон байна. Салхи баруун хойноос секундэд 5-10 метр. Өчигдөр өдөр -18 градус, өнгөрсөн шөнө Яармаг-Сонгины орчмоор -28 градус, бусад хэсгээр -25 градус хүйтэн хоносон байна.
ӨНӨӨДӨР УЛААНБААТАР ХОТ ОРЧМООР: Үүлэрхэг. Цас орно. Салхи баруун хойноос секундэд 5-10 метр, өдөртөө зарим үед секундэд 13-15 метр хүрч ширүүснэ. Өдөртөө -14…-16 градус хүйтэн байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
