“Шоронд оруулж, Шороонд булдаг” гэх Ц.Мөнхтуяа гишүүнд ХАРИУЦЛАГА ТООЦЪЁ

Админ I Төр.мн

2025-02-11

Айлын хүүхдүүд дунд алт ч бий гууль ч бий гэдэгчлэн анхны 126 гишүүнтэй парламентад ёстой л АЛМАС ч байна, АДГАС нь ч байна. Ишин шид нь бүрдсэн хулгайч, луйварчин, залилагч, шуналтан, атаархагч, ашиг хонжоо хайгч, төлөвшөөгүй ч нэгэн, бүр хөлсний алуурчин ч байх шиг байна.

Цахим орчин дахь жүжиглэлтийн Хоронзон гишүүн бодитоор парламентад байдаг юм байна хэмээн олон нийт хэлж байх юм.

Тэр нь АН-ын жагсаалтын 16-д бичигдэж УИХ-ын гишүүн болсон Ц.Мөнхтуяа байх аж.

УИХ-ын гишүүн Ц.Мөнхтуяа дөрвөн хүүхдийг гудамжинд гаргана хэмээн сүрдүүлж байгаа. Хэл ам, хэлж байгаа үг, үйлдэл, биеийн хэлэмж нь хүртэл “ГУДАМЖНЫХ” мэт. Яавч УИХ-ын гишүүн лав биш.

Бүр “Миний мууг үзэж элдэвлэж байгаад зарим нь шоронд, зарим нэг нь шороонд булагдсан даа хөөрхий...” хэмээн сэтгэгдэл хүртэл бичиж. Эрхэм гишүүн та хичнээн хүнийг шоронд оруулж, хичнээн хүнийг шороонд булсан бэ!!!

УИХ-ын гишүүн гэдэг бол олон нийтийн төлөөлөл, бүр үлгэрлэгч, ёсзүйг манлайлагч байх ёстой. Тэдний үг үйлдэл бүр ил тод бөгөөд олон нийт даган дуурайх хэмжээний албан тушаал. Гэтэл гишүүд нь ШОРОНД ОРУУЛЖ, ШОРООНД булна хэмээн бусдыг сүрдүүлж, заналхийлдэг байж боломгүй юм.

Жагсаалтын СУЛ ТАЛ нь энэ. Намын даргатай хэр ойр байх, таньдаг байх, эс бөгөөс мөнгөтэй байхаас хамаараад намын жагсаалтад бичигдэж ХАМГИЙН АМАРХАНААР, ХАМГИЙН ХУРДАНААР ГИШҮҮН БОЛНО.

Тэр нь ёсзүйтэй байх, мэдлэгтэй байх, бүр мэдрэмжтэй байх ПАДЛИЙГҮЙ.

Харин гарсан хойноо БҮРЭН ЭРХЭЭРЭЭ ДАЛАЙЛГАЖ хүссэн хүнээ доромжилж, хүссэн хүнээ харааж, сүрдүүлж, худал хэлж, ХУЛГАЙ Ч хийж болно.

УИХ-ын гишүүн Ц.Мөнхтуяагийн ёсзүйгүй, бүдүүлэг үйлдэл парламентын босго ямар бага болсныг харуулж байна. Парламентад гишүүдэд хариуцлага тооцдог, бүр эргүүлэн татдаг тогтолцоо байх ёстой. Балмад, ёсзүйгүй УИХ-ын гишүүн Ц.Мөнхтуяаг эргүүлэн татъя.

Төр.мн

Нийт сэтгэгдэл 7

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.