Улсын Хүүхэд залуучуудын театр гэгээн хайрын Валентины баярт зориулан Төрийн шагалт, СГЗ Д.Батбаярын зохиол “Хайрыг хайрла” уянгын драмын жүжиг болон өсвөр үе, ахлах дунд ангийнханд зориулсан Н.Уранзаяагийн зохиол “18 дахь хаврын хайр” драмын жүжгээ тоглоно.
“Хайрыг хайрла” жүжгийн Ерөнхий найруулагчаар Төрийн соёрхолт, УГЗ Н.Наранбаатар ажилласан бөгөөд гол дүрд МУСТА жүжигчин Д.Оюунтуул, Ч.Авирмэд нар тогложээ. Мөн урилгаар МУГЖ А.Цэгмэд тус уран бүтээлд дүр бүтээсэн байна.
.jpg)
Өсвөр үеийнхэн, ахлах дунд ангийнхан тэр бүр театрт очиж жүжиг үздэггүй. Учир нь тэдний насанд тохирсон, сонирхол татахуйц бүтээл хомс байсан бол энэ орон зайг нөхөж, үзэгчдээ байлдан дагуулаад буй бүтээл бол “18 дахь хаврын хайр” жүжиг билээ. Уг жүжиг бол багш нарын сурагчдаа хайрлах сэтгэл, өсвөр үеийнхний үерхэл нөхөрлөл, эцэг эхтэйгээ харилцах харилцаа зэргийг харуулсан бүтээл юм.
Уг жүжиг хоёрдугаар сарын 13,15,16,21,22,23-ны өдрүүдэд тоглогдоно.
Тасалбарыг ticket.mn сайтаас захиалан авах боломжтой юм байна.
.jpg)
Тус театр нь 2024 оны 4-р сарын 25-нд нээлтээ хийсэн бөгөөд үзэгчдийнхээ нас сэтгэхүйн онцлогт тохирсон 3 бүрэн хэмжээний драмын жүжгийг толилуулаад байгаа билээ. Харин ирэх гуравдугаар сард 2 шинэ жүжиг нээхээр бэлтгэл ажлаа хангаад байгаа юм байна. Хүүхэд залуучуудын театр Ульяам Шекспирийн “Ромео Жульетта хоёр” сонгодог жүжгийг 1966 онд анх тоглож байсан бөгөөд төрөлх театрынхаа тайзнаа дахин амилуулж буй нь энэ ажээ.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
