Манай улс гэр хорооллын дахин төлөвлөлт яриад багагүй хугацааг ард үлдээсэн байна. Энэ хугацаанд зарим дүүргүүдэд дахин төлөвлөлт хийгдэж иргэд хашаа байшингаа чөлөөлж байрандаа орсон. Тэгвэл өнөөдөр гэр хорооллын дахин төлөвлөлтөд хамрагдсан Сонгинохайрхан, Баянзүрх дүүргийн иргэд газар ч хашаа байшин, байргүй болж хохирсон гэж иргэд мэдээлэл хийлээ.
Тодруулбал, Нийслэлийн засаг дарга, Улаанбаатар хотын захирагч асан Э.Бат-Үүл Баянзүрх дүүргийн иргэдийн газрыг дахин төлөвлөлтөд хамруулах нэрээр 48 айлын газарт дахин төлөвлөлт хийхээр болсон ч өнөөдрийг хүртэл иргэд хашаа байшин, байргүй, орох оромжгүй байгаа талаараа мэдэгдэж байна.
Тухайлбал, Баянзүрх дүүргийн 12 дугаар хорооны иргэн н.Отгонбаярын дүү “Гранд лайн” ХХК-тай өнгөрөгч 2013 онд гэрээ хийж газраа албан ёсоор чөлөөлөн өгсөн байна. Үүнээс хойш түүний гэр бүл нь найман жилийн турш хашаа байшин, амьдрах газаргүй, байргүй явсан. Хуучин газартаа очоод амьдрах гэхээр нурсан байшингийн суурь нь үлдсэн. Түүгээр ч зогсохгүй хохирлоо барагдуулахын тулд гурван шатны шүүх "Гранд Лайн" ХХК иргэнийг хохироосон гэдэг нь 2020 онд хууль шүүхийн байгууллага тогтоож өгсөн. Гэвч энэ байгууллага өнөөдрийг хүртэл иргэдийн хохирлыг барагдуулаагүй явж ирлээ. Иймд иргэд гомдолтой байгаа аж.
Үүнээс гадна Баянзүрх дүүргийн 12 дугаар хороонд гэр хорооллын дахин төлөвлөлтөөр газар, хашаа байшингаа чөлөөлж өгсөн 48 айл өрх өнөөдөр орох орон гэргүй байна" гэж ярилаа.
Мөн Сонгинохайрхан дүүргийн нөхөн сонгуульд нэр дэвшиж байгаа Э.Бат-Үүл хүүгийн хамтаар Сонгинохайрхан дүүргийн тавдугаар хорооны иргэдийг хохироожээ.
Тухайлбал, "Жи Ди" ХХК хохирогч энэ талаар "Э.Бат-Үүл болон түүний хүү Б.Чулуудай нар Сонгинохайрхан дүүргийн 800 гаруй айлын газрыг дахин төлөвлөлт оруулах нэрээр луйвардаж мэхэлсэн. Газар хашаа байшингаа алдсан иргэдээс 184 айл өрх өнөөдөр ямар ч орон гэргүй, 7-8 жил хэрэн тэнэж явна. Тэгсэн хэрнээ Э.Бат-Үүл өнөөдөр бас Сонгинохайрхан дүүрэгт нэр дэвшиж, иргэдийг доромжилж байна. Э.Бат-Үүл Сонгинохайрхан дүүргийн иргэд "намайг үнсэж угтаж авна" гэж ярьсан байсан. Харин бид "үнсэх биш" өндөг шидэж угтаж авна” гэлээ.
Like
1
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
