МАН-ын Удирдах зөвлөлөөс УИХ-ын сонгуулийн 18 дугаар тойрог буюу Хэнтий аймагт өрсөлдөх нэр дэвшигчдийн дунд социологийн судалгаа явуулсан. Хамгийн өндөр рейтингтэйгээр аймгийн засаг дарга буюу аймгийн МАН-ын хороон дарга Ц.Идэрбат тэргүүлж, Бага хурлын гишүүдийн 97,8 хувийн саналаар нөхөн сонгуульд нэр дэвшихээр болсон юм гэдэг. Түүнийг Ерөнхийлөгч У.Хүрэлсүх, Ерөнхий сайд байхдаа захирамж гарган 2020 оны 8 дугаар сард “Хэнтий аймаг”-ийн засаг даргаар Ц.Идэрбатыг томилсон юм.
Тэрээр багш, төрийн захиргааны удирдлага мэргэжлээр их сургуулиа дүүргэсэн ч улстөрч болох амбицдаа хэт их хөтлөгдөн 2003 оноос улстөрийн ажилтан болох гараагаа эхэлсэн гэдэг. Тодруулбал, 2003-2008 онд “Аймгийн намын хороо”-ны улстөрийн ажилтан, 2008-2012 онд “Хэрлэн сум”-ын засаг даргын орлогч, 2016-2020 “Хэрлэн сум”-ын засаг дарга бөгөөд Чингис хотын захирагч, 2020 оноос “Хэнтий аймаг”-ийн засаг даргаар ажиллаж байгаа юм.
Ерөнхий сайд асан У.Хүрэлсүхийн үеийн засгийн газар мэргэжилтэй, туршлагатай боловсон хүчин төрд гаргана гэж зангаргатайгаар ярьдаг байсан нь тодхон. Тэгвэл түүний шалгуурыг давсан хүн нь Ц.Идэрбат байж. Харин Ц.Идэрбат төрд гарах чадварлаг боловсон хүчин байж чадах уу? гэдгийг сонгогч танд асуулт хэвээр нь үлдээе...
Тэрээр "Хэнтий аймаг"-ийн засаг дарга болоод удаагүй ч иргэд нь түүнд төдийлөн сайн биш бололтой. Аймгийн уугуул иргэдээс тодруулахад, “Засаг дарга байгаа. Гэхдээ би бол сайн мэдэхгүй, Манай нутагт тэр хүн гарснаар одоо дээрдээд байсан юм бол байхгүй” гэж нэг хэсэг нь хэлдэг ч нөгөө хэсэг нь "аймагтаа юм хийж чадахгүй байж, УИХ хуралд нэр дэвших нь дэмий зүйл" гэж ярих нь ч бий...
Сонгуулийн үед нэр дэвшигчдийн хөрөнгө орлогын мэдүүлэг нь сонгогчдод чухал сэдэв болдог. Тэгвэл “Хэнтий аймаг”-ийн засаг даргаар томилогдоод удаагүй МАН-аас нэр дэвшигч Ц.Идэрбатын "дарсан" хөрөнгийн мэдээлэлтэй танилцъя.
Нэр дэвшигчийн жилийн орлого 22214.68 сая төгрөг, гэр бүлийн нийт орлого 40000.00 сая төгрөг хэмээн хамгийн сүүлд мэдүүлсэн байдаг. Тэрээр 266000.00 сая төгрөгөөр үнэлэгдэх орон сууц, хашаа байшин, үйлчилгээний зориулалтын барилгатай. Мөн 24000.00 сая төгрөгөөр үнэлэгдэх суудлын жижиг машинтай. Мэдээж дарга болсон хүн Toyota Lexus автомашинтай байх нь ойлгомжтой. Мөн 80000.00 сая төгрөгөөр үнэлэгдэх 20 адуу, 30 үхэртэй бөгөөд 24000.00 сая төгрөгийн үнэ бүхий өмчлөх эрхийн газруудтай юм. Түүний хадгаламжид 2020 оны байдлаар 15809.43 сая төгрөг байсан. Харин одоо бол “Өссөн” нь мэдээж. Анх түүний авсан зээлийн хэмжээ 104000.00 сая төгрөг бол 58000.00 сая төгрөгийн авлагатай гэнэ шүү. Тэрээр “Хэнтий ТВ”-д хөрөнгө оруулалт хийснээ хаана ч хэлдэг ч бусад газарт хөрөнгө оруулалт хийснээ нуудаг нэгэн байж. Мэдээж тэдгээрээс ногдол ашиг хүртдэг нэгэн. За тэгээд болоогүй гурван төрлийн тусгай зөвшөөрөлтэй хүн нутаг усныхаа төлөө их зүйлийг хийнэ гэж зорин ажиллаж байгаад гайхах зүйлгүй. Түүнйи 2020 оны хөрөнгө орлогын мэдүүлэгтэй танилцлаа.
“Хэнтий аймаг”-ийн засаг дарга болоод тэрээр нэг жилийн нүүрийг үзсэн. Гэтэл аймгийнхаа асуудлуудыг цэгцэлж, ард иргэдийнхээ итгэлийг алдаж УИХ гэх суудалд шунах нь түүний хүсэл мөрөөдөл байв уу? Хэнтий аймгийн ард иргэддээ хайртай мэт дүр “исгэж” ЗАСАГ ноёны дүрд хэсэг тоглов уу? Аймгийн даргаас ИХ хуралд шунах Ц.Идэрбат гэж чухам хэн бэ?
Хэнтийчүүдийн сонголт мэргэн байг...
Like
1
Зөв
1
2
Буруу
0
Воов
0
Уйтгартай
1
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
