2021 онд гарсан Сибирийн ойн түймэр нь дэлхий даяар дэгдсэн бүх түймрийн нийлбэрээс ч том хэмжээтэй болохыг тооцоолон гаргажээ. Түймэрт өртсөн талбай нь Португаль улсын газар нутгийг бараг хоёр дахин нугалсантай тэнцүү газрыг хамарсан. Асар том хэмжээтэй ойн түймрийн утаа нь НАСА-ийн хиймэл дагуулын ажиглалтад илэрсэн түүхэн дэх анхны тохиолдол юм. Мэргэжилтнүүдийн хэлснээр Сибирийн түймэрт өртсөн газарт бусад газрын түймрээс 3 дахин хурдан дулаарал явагдаж, мөнх цэвдгийг хайлуулж байна гэв. Энэ нь Орос улс төдийгүй дэлхий дахинд маш ноцтой уршиг тарих болно.
Сибирьт гарсан энэхүү том хэмжээний түймрийг машин техник, хүний хүчээр унтраах боломжгүй болсон тул тухайн бүс нутгаас иргэдийг нүүлгэн шилжүүлсний дараа байлдааны зэвсэглэл ашиглан бөмбөгдөж газрын хөрсийг эргүүлэн унтраасан байна. Одоо Сибирийн ой хэрхэн сүйдсэнийг зургаас харж болно.
Түүнчлэн, Зөвлөлт холбоот улсын үед ашиглаж байсан технологи болох мөнгөн иодид, шингэн азот, хуурай мөс агуулсан химийн бодисоор үүлэнд зориудаар нөлөөлж бороо оруулсны дараагаар туйлдаж ядарсан гал сөнөөгчид намаг, уулархаг хэсгийн түймрийн тархалтыг таслан зогсоох боломжтой болж байв. Түймэр гарч эхэлсэн л бол хүний хүчээр унтраахад маш хэцүү, удаан хугацаа ордог болохыг дэлхий даяар харлаа. Түймэрт өртсөн ой нь дахин хэзээ ч өмнөх байдлаараа сэргэх боломжгүй. Тэнд өөр экосистем бүрэлдэх хүртэл багадаа хагас жаран шаардлагатай. Сибирийн түймэр, дулаарал нь Монгол орны ойн сан, байгаль цаг уурт нөлөөлөхгүй гэх аргагүй. Аюул бидний гарт байна.
Like
0
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
