УИХ-ын гишүүн Б.Пүрэвдорж “Одоо боллоо ”цуглааныг маргааш буюу 10 дугаар сарын 1-ны өдөр зохион байгуулна. Уг цуглааны талаар тэрээр хэлэхдээ: “Дэлхийн улс орнууд цар тахлын эсрэг ДНБ-ийхээ 17 хувийг зарцуулж байхад Монгол Улсад энэ үзүүлэлт 60 хувьтай тэнцэж байна. Тодруулбал, Засгийн газраас өнгөрсөн хугацаанд 20 их наяд төгрөг зарцуулсан ч үр дүнд хүрсэнгүй. Мөн цар тахлын үеийн нэг удаагийн хуулиар аж ахуйн нэгжүүдийн үйл ажиллагааг зогсоодог, цагийг хязгаарлах зэргээр иргэд, бизнес эрхлэгчдийн эрхийг боомилж байна. Тиймээс энэ хуулийг хүчингүй болгох хэрэгтэй” хэмээн хэлсэн юм.
Засгийн газарт АН-аас өнгөрсөн долоо хоногт “таван” шаардлага хүргүүлсэн. Тодруулбал, Элчин сайд нарыг эгүүлэн татах, хилийн боомтуудыг хэвийн ажиллуулж чадахгүй байгаа гаалийн болон ашигт малтмалын газрын удирдлагуудад хариуцлага тооцохыг шаардсан юм. Эдгээр шаардлагад хариу өгөөгүй байгаа тул маргааш буюу 10 дугаар сарын 1-ны өдөр болох цуглаанаар уг шаардлагын хариуг авах юм. Тиймээс нийт иргэдийг маскаа зүүгээд, үзэл бодлоо чөлөөтэй илэрхийлэх тайван жагсаалд хамрагдахыг уриаллаа.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
