Монгол Улсын ерөнхий сайд Л.Оюун-Эрдэнэ өнгөрсөн долоо хоногт Өдрийн сонинд өгсөн ярилцлагадаа танхимын сайдуудаа галыг өөр дээрээ аваад зоригтой алхмууд хийж чаддаг сайдууд, ажлын ардуур үлдээд байдаг шимэгч сайдууд хэмээн танхимаа хоёр хуваасан.
Л.Оюун-Эрдэнэд тусалж, дэмжиж, зоригтой алхмууд хийдэг, галын өөр дээрээ авдаг сайдуудаар Х.Нямбаатар, Н.Учрал, Ц.Туваан, О.Алтангэрэл нарыг нэрлэж, харин үлдсэнийг нь ШИМЭГЧИД гэж нэрлэжээ.
Хийсэн ажлын үр дүн шууд уншигдаж байдаг. Гэтэл нам гэх нэр, намын квот гэх халхавчинд сайд болоод ажил ч хийдэггүй, ар урдуур гүйдэг, дорвитой шийдвэр гаргадаггүй, үр дүнгүй ажилладаг сайдууд ч байна. Тэр дунд “Аргална даа” хочит Эрчим хүчний сайд Б.Чойжилсүрэн, цагаан сарын хэдэн өдөрт толгой нь эргэж, эргэж буцсан шийдвэргүй Гэр бүл, хөдөлмөр, нийгмийн хөгжлийн сайд Л.Энх-Амгалан, АН-ын квотоор сайд болсон Уур, амьсгалын өөрчлөлтийн сайд С.Одонтуяа, Төрсөн өдрөө төсвийн мөнгөөр тэмдэглэдэг, мөнгөн аяга хүртэгч Батлан хамгаалахын сайд С.Бямбацогт, Түгжрэлийг улам түгжрүүлэгч Зам, тээврийн хөгжлийн сайд Б.Дэлгэрсайхан, Хийсэн ажилгүй, хийцгүйрсэн Хүнс, хөдөө аж ахуй хөнгөн үйлдвэрийн сайд Ж.Энхбаяр, Боловсролд гологдож буй Боловсролын сайд П.Наранбаяр зэрэг өнгөрсөн хугацаанд хийсэн ч ажилгүй, олигтой шийдвэр ч гаргаагүй, сайдын суудал бөглөсөн дээрх сайдуудыг ШИМЭГЧ хэмээн нэрлэж буй бололтой.
Одоо хаврын улс төр эхэлж байна. Бүлэглэлүүд амь орж Засаг руу давшилж буй.
Үүний үр дүнд дараагийн бялуу хүртэгчид Засагт суух сонирхлоо илэрхийлэх биз. Зарим сайдуудыг солих асуудал энэ хавраар яригдах тухай бор шувуу ч төрийн ордноо нисэж буй.
Like
1
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
