Улсын нэгдүгээр төв эмнэлгийн эмч, ажилтнууд болон доктор О.Сэргэлэн ахлагчтай элэг шилжүүлэн суулгах багаас донорын тухай хууль болон зөвшөөрөлгүйгээр эрхтэн шилжүүлэн авсан гэх П.Батчулуун эмчийн талаар мэдээлэл өглөө.
Энэ талаар доктор О.Сэргэлэн: Би эрүүл мэндийн салбарт 42 жил ажиллаж байна. Багш хүн. Одоо үүсээд байгаа нөхцөл байдалд оюутнууд маань айж эхэлж байна. Анагаахаар сурч буй оюутнууд маань "Эмч болоод ийм асуудал тулгарвал яах вэ багшаа?" гэж надаас асууж байна. Надад хэлэх үг олдохгүй байна. Юу гэж хариулахаа мэдэхгүй байна. Би П.Батчулуунтайгаа очиж уулзсан. П.Батчулуун маань “Би яах гэж, юуны төлөө бүхнээ зориулж ажиллачхаад одоо ийм байдалд ороод сууж байна вэ” гэж уйлж байна. Бусад оронд эс, эд эрхтэн шилжүүлэн суулгах мэс засал бүр төрийн хяналтад, дээд зэргийн нууцлалтай, ёс зүйн дээд хэмжээнд байдаг.
Та нарыг эмч болох үед эрх биш хууль эрхзүйн орчин нь гайгүй болох байх” гэж оюутнууддаа хэлж байна. Ийм байдлаар цаашид эрүүл мэндийн салбар руу хэн орж, ажиллах бэ…” гэлээ.
Түүнчлэн Донорын хууль 2002 онд батлагдаж 2012, 2014, 2018 онд шинэчилсэн найруулга хийгдсэн бөгөөд 2022 онд ердөө хоёрхон заалтыг өөрчилсөн. Уг нь өнгөрсөн хаврын чуулганаар Донорын тухай хууль орохоор байсан ч хэлэлцэж чадаагүй.
Донорын тухай хууль батлагдсанаар бидэнд ямар нэгэн байдлаар илүү боломж нээгдэх байх гэж найдаж байна. "Өнөөдөр 400 гаруй хүн донороо хүлээж байна. Сүүлийн гурван жилд 30 гаруй хүн донор хүлээж байгаад ертөнцийн мөнх бусыг үзчихлээ. Цаашдаа донор гарахгүй бол хүлээх боломжгүй хүмүүс ч олон байгаа. Нэгдүгээрт хүний амь гэдэг маш чухал шүү гэдгийг онцлов.
Like
2
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
