Парламентын Ерөнхий нарийн бичгийн дарга нарын нийгэмлэг нь ОУПХ-ны гишүүн Парламентын ЕНБДарга нарын хооронд хэлхээ холбоо, хамтын ажиллагааг хөгжүүлэхэд дэмжлэг үзүүлэх зорилготой юм.
Парламентын хууль тогтоомж, дэг журам, практик ажиллагаа, ажлын арга барилыг судлах, боловсронгуй болгох, парламентад үйлчилгээ үзүүлдэг байгууллага хоорондын хамтын ажиллагааг сайжруулах чиглэлээр арга хэмжээг санал болгох үүрэгтэй хуралддаг тус нийгэмлэгийн хуралд Монгол Улсын Их Хурлын Ерөнхий нарийн бичгийн дарга Б.Баасандорж оролцож, шинэ үеийн парламентын тогтолцоог төлөвшүүлж байгаа туршлага, Монгол Улсын Их Хурлаас баталсан шинэ стратеги төлөвлөгөө, парламентат ёсны төлөвшлийн талаар танилцуулж, харилцан туршлага солилцож байна.
Узбекистан Улсын нийслэл Ташкент хотноо энэ сарын 05-09-ний өдрүүдэд Олон Улсын Парламентын Холбооны 150 дугаар ассамблей “Нийгмийн хөгжлийн төлөөх парламентын үйл ажиллагаа” сэдвээр үргэлжилж, тус хурлаар 90 гаруй дэд хуралдаан, хэлэлцүүлэг, уулзалтууд зохион байгуулагдаж байгаагаас “Газрын тухай хууль тогтоомж: Газар эзэмших эрх болон тэгш эрхийг хангахад парламентын гишүүдийн үүрэг” сэдэвт дээд түвшний дугуй ширээний хэлэлцүүлэгт тэрбээр мөн оролцсон юм.
Энэ үеэр холбогдох хууль тогтоомжуудын хэрэгжилт болон эрх зүйн орчныг боловсронгуй болгоход авах арга хэмжээний хүрээнд оролцогчид нээлттэй ярилцлаа.
Монгол Улсын Их Хурлын Ерөнхий нарийн бичгийн дарга Б.Баасандорж ОУПХ-ны Ерөнхий нарийн бичгийн дарга Мартин Чунгогтой уулзаж, хамт ажиллагааныхаа талаар санал солилцжээ. Монголын парламент Олон улсын парламентын холбоотой хамтын ажиллагааны санамж бичиг байгуулан амжилттай хэрэгжүүлж байгаа билээ.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
