Азийн сан болон Дотоод хэргийн их сургууль хамтран “Хууль бус уул уурхайн үйл ажиллагаатай тэмцэх, гэмт хэргийг мөрдөн шалгах, шүүхээр шийдвэрлэх ажиллагааг сайжруулах төсөл”-ийг хэрэгжүүлэх талаар уулзалт зохион байгуулав.
Уулзалтад Дотоод хэргийн Их сургуулийн захирал, доктор (Ph.D), профессор, цагдаагийн хурандаа П.Батбаатар, Сургалт эрхэлсэн дэд захирал, цагдаагийн хурандаа Д.Эрдэнэбаатар, Азийн сангийн Монгол Улс дахь суурин төлөөлөгч Марк Кейниг, мөн сангийн Засаглалын хөтөлбөрийн ахлах ажилтан Т.Должинсүрэн болон албаны бусад хүмүүс оролцлоо.
Энэхүү төслийг хэрэгжүүлэхэд Дотоод хэргийн их сургуулиас ажлын хэсгийн бүрэлдэхүүнийг томилох, хоёр байгууллага хоорондын цаашдын хамтын ажиллагааны чиглэл, нөхцөл боломжийн талаар санал солилцов. Азийн сангийн суурин төлөөлөгчийн зүгээс Дотоод хэргийн их сургуулийн сургалтын хөтөлбөрт урт хугацааны сургалтад зориулсан сэдвүүдийг боловсруулах, сургагч багш бэлтгэх, сургалт зохион байгуулах асуудлыг дэмжих, хамтран ажиллах боломжтой гэж хэлсэн юм.
Уулзалтын төгсгөлд Дотоод хэргийн Их сургуулийн захирал, доктор (Ph.D), профессор, цагдаагийн хурандаа П.Батбаатар Азийн сангаас АНУ-ын Төрийн Департаментын Хар тамхи, хууль хяналтын асуудал эрхэлсэн товчооны санхүүжилтээр хэрэгжүүлж буй “Хууль бус уул уурхайн үйл ажиллагаатай тэмцэх, гэмт хэргийг мөрдөн шалгах, шүүхээр шийдвэрлэх ажиллагааг сайжруулах төсөл”-д хамтран ажиллах болсондоо баяртай байгаагаа илэрхийллээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
