Говь-Алтай аймгийн Иргэдийн төлөөлөгчдийн хурлын дарга Л.Насанбуян нь Цогт сумын засаг даргаар ажиллаж байх үедээ эрх мэдэл, албан тушаалын байдлаа урвуулан ашиглаж, бусадтай үгсэн хуйвалдах замаар төсвийн мөнгийг зориулалтын бусаар зарцуулж, үлийн цагаан оготно устгах төсвийн хөрөнгийг “завшсан” гэх эрүүгийн хэрэгт яллагдагчаар татагдан анхан шатны шүүхээс нийтийн албанд ажиллах эрхийг гурван жилийн хугацаагаар хасах ял аваад байгаа юм.
Тэгвэл дээрх хэргийн давж заалдах шатны шүүх хурал тавдугаар сарын 14-ний /2025.05.14/ өдрийн 14 цаг 30 минутад болох тов зарлагджээ.
Л.Насанбуян нарын долоон хүнд холбогдох дээрх хэрэг анхан шатны шүүхэд 12 удаа хойшилж, 13 дэх удаагийн шүүх хуралдаан буюу 2025 оны хоёрдугаар сарын 14-ны өдрийн хуралдаанаар /шүүх хуралдаан хоёр өдөр үргэлжилсэн/ ийнхүү хэргийг шийдвэрлэж ял оноосон байдаг юм.
Шүүгдэгчид шүүх хурлыг удаа дараа хойшлуулж цаг хугацаа хожих үйлдэл хийж ирснийг шүүх хуралдааныг явцаас харж болно. Тэгвэл давж заалдах шатны шүүхийг удаа дараа хойшлуулах замаар яллагдагчид хэргээ “ЦАГААТГАХ”-аар нотлох баримтыг цуглуулж буй гэх ч мэдээлэл бий.
Дээрх хэргийг тодруулбал, одоогийн Говь-Алтай аймгийн ИТХ-ын дарга Л.Насанбуян нь Цогт сумын засаг даргаар ажиллаж байхдаа аймгийн Хүнс, хөдөө аж ахуйн газрын дарга Т.Сүхбаатар, тамгын газрын дарга Д.Цогзолмаа, сумын төрийн сангийн дарга Н.Мөнхцэцэг, сумын ИТХ-ын нарийн бичгийн дарга Д.Эрхэмбаяр, аймгийн соёлын газрын ажилтан Ц.Баасанжав, Баянтоорой тосгоны төсвийн нягтлан Ц.Алтанзагас нартай хамтран Үлийн цагаан оготно устгах төсвийн мөнгийг зориулалтын бусаар зарцуулсан, ингэхдээ нотлох баримтыг устгасан, нуусан, засварласан, өөрчилсөн, хуурамчаар үйлдсэн байж болзошгүй гэх Эрүүгийн хэрэгт буруутгагдан яллагдагчаар татагдаад байгаа юм.
Like
0
Зөв
0
4
Буруу
0
Воов
0
Уйтгартай
2
Дуртай
Ийм төрд шургалсан хувалзнуудыг төрөөс зайлуулж шоронд нь хорих хэрэгтэй.
Ene hvniig harluulah gej ulairah ymaa udirdan zohion baiguulah chadwarlag bolowson hvchin dee Tsogt sumdaa hiij heregjvvlj bga ajil odoo Altaid hiij bvteej bga bvhen ard tvmnii nvdend haragdaj,gart barigdaj bnaa zarim ataarhuu hvn muulahiin don tuschihsan MANiin gahainuud ih bnaa.
© 2013-2023. Вэб сайт бүтээсэн: Tsast Solution LLC
