Монгол Усын экс ерөнхийлөгч, УИХ-ын гишүүн Х.Баттулга өөрийн цахим хуудаснаа “Төгрөг нуурын орд”-ын лиценз минийх байх аваас ямар ч эргэлзээгүйгээр, ямар ч болзолгүйгээр Монгол Улсын төрд хүлээлгэн өгөх болно гэж бичжээ. Тэрбээр “Төгрөг нуурын орд”-ын лиценз миний болон миний хамаарал бүхий хэн нэг хүний мэдэлд байхгүй.
Улсын бүртгэл, уул уурхай, ашигт малтмалын асуудал хариуцсан төрийн байгууллагаас лавлагаа авах зэргээр миний хариултыг олон арга замаар нягтлах боломжтой.
Та бүхэнд болон Монголын ард түмэнд хандан хэрэв миний эсвэл миний хамаарал бүхий хэн нэгний мэдэлд “Төгрөг нуурын орд”-ын лиценз байх аваас ямар ч эргэлзээгүйгээр, ямар ч болзолгүйгээр Монгол Улсын төрд, Үндэсний баялгийн санд бүрэн хүлээлгэн өгөх болно гэдгээ дахин илэрхийлье” гэжээ.
Тэгвэл энэ мэдээллийн эсрэг УИХ-ын гишүүн, ЗГХЭГ-ын дарга Н.Учрал "Та тоглоод байна уу, тохуурхаад байна уу?..." гэж хариу тайлбар бичжээ.
Н.Учрал: Та өнөөдөр Төгрөг нуурын эзэн биш. Та оффшорт 250 сая доллараар зарчихсан шүү дээ. Та өөрийн CAMEХ компани, төрсөн эгч, охин, хятадуудтай нийлээд дамлачихсан хүн. Өндөр үнээр зарчихаад лицензийг нь Монголд үнэгүй болгоод оруулаад ирсэн. Өрмийг нь хамахдаа үртсийг нь ч Монголчууддаа үлдээгээгүй. Татвар хураамж огт төлөөгүй.
Мөнгө угаасан, татвараас зугатсан, авлигын гэмт хэрэг байж болзошгүй гэж үзэн 1000 гаруй хуудас нотлох баримтыг АТГ-т хүлээлгэн өгсөн.
Сингапур, Хонгконг, Монголын албан ёсны эх сурвалж, санхүүгийн дүн шинжилгээний хамт хүргүүлсэн. Хууль шүүх үнэн мөнийг дэнсэлнэ.
Таныг өнөөдөр эзэн нь учраас Төгрөг нуурын ордыг буцааж өгөөч гэж гуйгаагүй. Монголын баялгийг Mонголчуудад ямар ч өгөөжгүйгээр оффшор дамнуулж зарсныг чинь хууль шалгаж олон нийт анхааралтай ажиглаж байгааг ахин сануулъя.
Монголчууд тэнэг биш. Монголчууд Таны тохуурхал биш." гэжээ.
Like
0
Зөв
0
1
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
