Хуульзүй, дотоод хэргийн сайд О.Алтангэрэлээс цаг үеийн асуудлаар тодрууллаа. Тэрбээр Ерөнхий сайдын мэдэгдэл болон жагсаж буй иргэд, засгийн газарт хариуцлага тооцох асуудлаар дараах байр суурийг илэрхийлэв.
О.Алтангэрэл: “Ерөнхий сайдын мэдэгдлийг сонсолгүй яах вэ. Ерөнхий сайд шалгуулахад бэлэн байгаа юм байна. Ард түмнээсээ уучлалт гуйлаа. Жагсагчдын тавьсан шаардлага зөв. Орлогоо нотлох ёстой. Энэ асуудлыг хуулийн байгууллага шалгаж, тогтоох ёстой. Хуулиар шалгаад хууль бус орлого гэж үзвэл хариуцлага тооцох асуудал хуулийн хүрээнд боломжтой. Ерөнхий сайдын хувьд томоохон төсөл, шударга ёсны асуудалд цаад болоод байгаа улс төрийн өрнөлийн ард байгаа хэсэг бүлэг хүмүүсийг ялаанууд гэж хэлсэн” гэв.
Харин Засгийн газрыг огцруулах, АН-ын гишүүний хувьд хамтарсан Засгийн газраас гарах тухайд “Манай нам асуудлыг нээлттэй ярьж ирсэн. Засгаас гарах, хамтраад явах асуудал бүрэн нээлттэй. Манай намын ҮБХ хуралдаж болно, намын их хурлаа хэлэлцээд шийдэж болно. Энэ бүх асуудал нээлттэй. Хамтарсан Засгийн газарт орж ажиллахыг намын их хурал, бүлгээр шийдсэн. Би хүний эрхтэй холбоотой 10-аад хуулийн төслийг өргөн барьсан. Нэмээд 10 гаруй хуулийн төсөл нэмж өргөн барихаар байна. Би хийж, зорьсон ажлаа хэрэгжүүлж, хуулийн төслөө батлуулмаар байна...” хэмээн Хуульзүй, дотоод хэргийн сайд О.Алтангэрэл тайлбар өглөө.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
