Бүрэн эрхзүйн чадамжтай 22 настай хүүгийн найз бүсгүйдээ өгсөн сүйн бөгж, сүйт бүсгүйн үнэтэй бэлэг Засгийн газрын асуудал болно гэж хэн бодох билээ.
Угтаа бол Ерөнхий сайд Л.Оюун-Эрдэнэ хууль хяналтын байгууллагаар шалгуулаад, орлогоо нотлоод, баримтаа бариад олон нийтэд тайлбар хэлэх л асуудал.
Харин орлогоо нотлохыг шаардсан иргэдийн цахим жагсаалыг “огцрох амархан” жагсаал болгоод талбай дээр долоо дахь өдрөө үргэлжилж байна. Жагсагчдын тавьж буй орлогоо нотол гэх шаардлага зүй ёсных.
Харин энэ жагсаал “ХҮЧТЭЙ” өрнөөд, хамтарсан Засгийн газрыг унагаах, Засгийг өөрчлөх хэмжээний жагсаал огт биш юм. Залуус үзэл бодлоо илэрхийлэх нь ардчилсан Монгол Улсад байх л асуудал.
Харин жагсаалыг “улс төржүүлээд”, нам доторх хагарлаа нааж орхилоо гэж дүгнэж болох үндэслэл бий.
Угаас МАН дотроо “ХАГАРАЛДАЖ” ах, дүүгийн харилцаанд СЭВ суусан нь нэлээн эртнийх. Энэ нь явж явж хаврын улс төрөөр үргэлжилж, үзэл бодлоо илэрхийлж жагссан жагсагчид тэдний “ОЛЗ” боллоо.
МАН дотор хэд хэдэн фракц бий. Эднийх нам дотроо үүссэн асуудлаа ил гаргаад байдаггүйд учир байдаг. Олон фракцын эрх ашгийг намын дарга хангах ёстой. Тэгж байж удаан тогтоно. Харин фракцуудын эрх ашиг хөндөгдөж, дараагийн ээлжийнхний “юм” нь хөдөлснөөр хамтарсан Засгийн газар байх эсэх асуудлыг хөндөж байгаа нь учиртай.
Улс төрд Засгийн газраа огцруулах асуудал байж л байдаг. Түүхэндээ Л.Оюун-Эрдэнийн засгийн газар хамгийн удаан оршин тогтнож буй. Ихэнхдээ 1.6 жилийн л настай байдаг.
Түүнчлэн насаараа идэж уугаад ч барахгүй хөрөнгөө төрд алдах вий гэсэн бүлэглэл, байгалийн баялагийг хувьдаа ашиглаж буй хэсэг нөхдүүдийн УЛАЙРАН ДАЙРАЛТ ч бас ихээхэн нэмэр болж буй.
Эцсийн дүндээ Ард түмэн Ухаа худгаа авахыг, Төгрөг нуурын ордоо буцаан авахыг, хэтийдсэн тансаглалын орлогоо нотлохыг л хүсэж буй шүү дээ.
Төр.мн
Like
2
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
