Монгол Улсын Засгийн газраас Улсын Их Хуралд өргөн мэдүүлсэн “Монгол Улсын Засгийн газар, Бүгд Найрамдах Казахстан Улсын Засгийн газар хоорондын Тэтгэврийн асуудлаар хамтран ажиллах тухай хэлэлцээрийг соёрхон батлах тухай” хуулийн төслийг өнөөдөр УИХ-ын чуулганы нэгдсэн хуралдаанаар хэлэлцсэн ч, санал хураалтаар дэмжлэг авсангүй. Тус хэлэлцээр нь хоёр улсын иргэдийн хөдөлмөрлөсөн хугацааг харилцан тооцон, нийгмийн даатгалын эрхийг хангах замаар өндөр насны тэтгэвэр тогтоолгох боломжийг бүрдүүлж, гадаадад ажилласан Монгол иргэдийн нийгмийн баталгааг дээшлүүлэх чухал ач холбогдолтой байсан юм.
Энэ талаар УИХ-ын гишүүн Т.Аубакир цахим хуудаснаа "Сүүлийн үед улс төрийн орчинд үүсээд буй нөхцөл байдлаас шалтгаалан зарим гишүүд олон байнгын хорооны хурал зэрэг давхцах, чуулганы нэгдсэн хуралдаанд сууж амжихгүй байх зэргээс шалтгаалж уг хуулийн төсөл уналаа. Үүний улмаас олон жилийн хөдөлмөрийн үр шимийг хүртэж тэтгэвэрт гарах боломжийг хүлээж байсан олон зуун иргэний эрх ноцтойгоор зөрчигдөж, тэдний амьдралын баталгаанд тодорхойгүй байдал үүсч байна.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
