Ц.ТУВААН: Дураараа шатахууны ҮНЭ нэмсэн импортлогчдын ихэнх нь утсаа авахгүй байна лээ

Админ I Төр.мн

2025-05-26

Өнгөрсөн баасан гарагийн орой шатахууны үнэ литр тутамдаа 200 төгрөгөөр нэмэгдлээ. Энэ талаар Аж үйлдвэр, эрдэс баялгийн сайд Ц.Туваан тайлбар өглөө.

Тэрбээр “Засгийн газар, шатахуун импортлогч ААН-үүд болон ШӨХТГ-ын төлөөллүүд багтсан Үнийн зөвлөл гэж байдаг. Энэ зөвлөл уулзаад нөхцөл байдлаа ярилцъя гэдэг шийдвэртэй байсан. Гэвч нефтийн бүтээгдэхүүн импортлогч компаниуд энэ шийдвэрээсээ буцаж гэнэт үнээ нэмсэн. Үүнтэй холбогдуулан яамны зүгээс мэдэгдэл гаргасан.

Шатахууны үнэ цаанаа нэмэгдээгүй байгаа, дээрээс нь дизель түлшний үнэ тонн тутамдаа 100 ам.доллароор буурсан.

Гэтэл дизель түлшний үнэ буураагүй шүү дээ. Шатахуун импортлогч ААН-руу залгасан. Үнэнээ хэлье, ихэнх нь утсаа авахгүй байна лээ. Үнэ нэмсэн асуудлаар ШӨХТГ-т хандсан. Шаардлагатай бол акт тавина” гэлээ.

Нийт сэтгэгдэл 1

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.