Сэтгүүлзүй гэдэг бол нийгмийг соён гэгээрүүлэх үүрэгтэй салбар, тэд нийгмээс түрүүлж сэтгэж аливааг өөр өнцгөөр харж, тэс хөдлөн хэний ч санаагүй бодлыг бодох оюуны санааны хувьсгалчид байх ёстой.
Уламжлалт хэвлэл технологийн шинэчлэлээ даган шахагдаж байгаа өнөө үед борооны дараах мөөг шиг мэдээллийн сайтууд шинээр үйл ажиллагаагаа эрхлэх болсон. Энэ нь сайн муу талуудтай. Сайн тал нь өрсөлдөөн бий болж редакц бодлого сайжирч уран бүтээлүүдээ чанаржуулж байна. Муу тал нь сэтгүүлзүйн салбар нийгмийг бараан талаас нь түлхүү харуулах боллоо. Нөгөө соён гэгээрүүлэх үүргээ умартсан нөхцөл байдал үүсэж байгаа.
Сайн жишээнүүдийн нэг гэвэл саяхан өндөр өртөгтэй эмчилгээ хийлгэх шаардлага бий болсон Ананд хүүгийн талаарх мэдээллийг Товч.мн сайт сурвалжлан нийгэмд хүргэж өнөөдөр 400 сая төгрөгийг иргэдийн сэтгэлийн хандиваар босгож чаджээ. Тэгвэл Ананд хүү өнөөдөр эмчилгээндээ мордож байна. Хурдан эдгээд ирээрэй гэж хүсье. Эмчилгээний зардлыг босгоход нийгмээр нь давалгаалж иргэдийн сэтгэлийн утсыг хөндөж чадсан Товч.мн сайтын хамт олон Ананд хүүгийн нэрийн өмнөөс талархаж буйгаа илэрхийлье.
Төр.мн
Б.Амгалан
Like
0
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
