Цус сэлбэлт судлалын үндэсний төвөөс зохион байгуулдаг сар бүрийн 3 “Цусаа бэлэглэх өдөр”-ийн 79 дэх удаагийн арга хэмжээг Худалдаа хөгжлийг банк уламжлал болгон 6 дахь удаагаа хамтран зохион байгууллаа.
Сайн дурын, авлагагүй, цусны донорын эгнээг өргөжүүлэх, цусны донорын үйлсийг сурталчлах, алдаршуулж урамшуулах зорилготой энэхүү өдөр 2010 оноос эхлэн 100 удаа цус, цусны бүрэлдэхүүн хэсгээ өгч 300 хүнд амьдрал бэлэглэсэн Цэрэндоржийн Мөнхбаатарыг “Мөнгөн донор”-оор, 2014 оноос цус болон цусны бүрэлдэхүүн хэсгээ өгч 150 хүнд амьдрал бэлэглэсэн Энхболдын Ариунбатыг “Бахархал 50” тэмдгээр, 2012 оноос цус цусны бүрэлдэхүүн хэсгээ бэлэглэж 120 хүнд амьдрал бэлэглэсэн Энхбаярын Басхүүг “Бахархал 40” тэмдгээр, 2014 оноос цус цусны бүрэлдэхүүн хэсгээ өгч 90 хүнд амьдрал бэлэглэсэн Энхцэцэгийн Төрбатыг ”Бахархал 30” тэмдгээр, 2016 оноос цус цусны бүрэлдэхүүн хэсгээ өгч 60 хүнд амьдрал бэлэглэсэн Оюунбаатарын Отгонбаатар, Пунцагийн Наранцацрал нарыг ”Бахархал 20” тэмдгээр тус тус шагнаж алдаршууллаа.
Өнөөдрийн алдаршуулж буй ачтан доноруудад хамтран зохион байгуулагч ХХБ гарын бэлэг, Монос хүнс ХК дархлаа дэмжих хүнсний бүтээгдэхүүний багцаар бэлэг барьсан бол Мөнгөн гүүр эмнэлэг Мөнгөн донор, бахархал 50 тэмдгийн эздэд үзлэгийн эрхийн бичгээ гардуулж, Үйлдвэрлэлийн тасгийн технологич сувилагч П.Цэндхүү ая дуугаа өргөлөө. Түүнчлэн цус цуглуулах суурин 3 төвөөр үйлчлүүлсэн нийт цусны доноруудыг Жем интернэшнл ХХК-ий бүтээгдэхүүний дээжээр урамшуулав. Тус арга хэмжээг хэвлэл мэдээллийн 14 байгууллага сурвалжлан олонд хүргэлээ.
Like
2
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
