УИХ-ын чуулганы нэгдсэн хуралдаан эхэллээ. УИХ-ын дарга хуралдаа суухгүй байгаа гишүүдэд хандаж хатуухан шүүмж хэллээ.
Д.Амарбаясгалан: Гишүүд УИХ-ын хуралдааны дэгийн тухай хуулийн дагуу ажиллах ёстой. Дэгээр олгогдсон эрх хэмжээний хүрээнд л эрх, үүргээ хэрэгжүүлнэ. УИХ гэдэг байгууллага дээрээ суудлаа олж байвал доороо гүйдлээ олно гэдгийн үлгэрээр бид эмх цэгцтэй, зарчимтай, нээлттэй, ил тод байх юм бол олон нийт сэтгэл хангалуун байх нөхцөл бүрдэх учраас дэгээ баримталж ажиллахад анхаарал хандуулна аа.
Дөнгөж хоёрхон хоногийн өмнө урд талаар дүүрэн сууж байсан гишүүд хуралдаандаа орж ирэхгүй болж эхэлж байна. Энэ бол Засгийн газрын гишүүнээр томилогдсоны маргаашийн хурал. Тиймээс Монгол Улсын Засгийн газрын ЗГХЭГ-ын дарга, Шадар сайд, тэргүүн Шадар сайд гэх мэт албан тушаалтангууд дөрөв дэх, тав дахь өдрийн чуулганы хуралдаанд оролцож байх учиртай.
Ядаж өглөө ирцээ бүртгүүлээд, чөлөө авах, өөр ажил давхацсан бол учир байдлаа хэлээд явдаг байх ёстой гэдгийг анхааруулж хэлье. УИХ-ыг олон нийт хариуцлагатай, идэвхтэй ажиллахыг байнга шаарддаг. Энэ шаардлагыг хангуулж ажиллах нь хуралдаан даргалагч миний үүрэг тул шинээр сонгогдсон сайд нарыг чуулганы нэгдсэн хуралдаанд хариуцлагатай хандаж, оролцохыг үүрэг болгож байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
