Засгийн газрын хуралдаанаар төсвийг тодотгож, төр хэмнэлтийг өөрийн харьяа яам, төрийн байгууллагуудаас эхлэхээр болсон. Энэ талаар ГХ-ны сайд Б.Батцэцэгээс тодрууллаа.
ГХ-ны сайд Б.Батцэцэг: "Манай гадаад харилцааны яамны хувьд нэгдүгээрт төрийн тусгай алба, хоёрдугаарт өөрийн салбарын онцлогтой. Манайд хөрөнгө оруулалт, ямар ч төсөл хөтөлбөр байдаггүй. Зардлаа яг таг тооцдог. Бид ханшийн зөрүүнд үргэлж алдаж байдаг.
Сүүлийн жилүүдэд хилийн чандад зарцуулж байгаа зардал байнгын алдагдалтай байгаа. Манай урсгал зардлын 80 хувь нь хилийн чанд дах 40 дипломат төлөөлөгчийн газарт л зарцуулагддаг. Маш нарийн тооцож олгодог учир үүнээс бараг хасах боломжгүй.
Үлдсэн 20 хувь нь манай яамны дотоод дах үйл ажиллагаа, юнеско,дипломат байгууллагын үйлчилгээ эрхлэх газар, хилийн чанд дах иргэдэд туслах сан зэрэг 3 байгууллагын үйл ажиллагаанд зарцуулагддаг. Иймд төсвөө хасах боломж маш багатай. Гэхдээ энэ жилийн хувьд тэсэж болох зардлуудаа зарчмынхаа дагуу хасна" гэв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
