Сүүлийн хэдэн сар иргэдийн данснаас мөнгө алдагдаж байгаа талаар иргэд цахим орчинд нийтлэх болсон. Энэ нь нэг үгээр хэлбэл цахим гэмт хэрэг буюу кибер гэмт хэрэг юм. Одоогийн байдлаар ийм нөхцөл байдалд өртсөн 9 иргэн байгаа аж.
Тэгвэл энэ долоо хоногт Хаанбанканд данс эзэмшигч иргэний данснаас их хэмжээний мөнгөн шилжүүлэг гарч хохирол учруулжээ. Мөн өнгөрөгч сард уг кибер хэрэгтэй адил хэрэг гарсан. Тодруулбал, иргэний данс руу оройн цагаар үл таних этгээд нэвтрэн орж данснаас нь мөнгийг нь авчээ. Тэрбээр энэ талаар хэвлэл мэдээлэл, цагдаагийн байгууллагад хандан ч эзэн холбогдогч нь өнөөдрийг хүртэл олдоогүй. Үүнээс гадна хэд хэдэн иргэдийн данснаас доод талдаа 20 мянган төгрөг, дээд талдаа 1 сая орчим төгрөгийн гүйлгээ хийгдэж цахим гэмт хэрэгт өртсөн байна. Тодруулбал, нэгэн иргэний нэр дээр интернет банкны эрх үүсгэж, данс руу нь халдаж хоосолжээ.
Цаг үеийн байдалтай уялдуулан Хаан банкны удирдах албанаас мэдээлэл хийжээ.
“Иргэдийн данснаас хууль бусаар гарсан буюу залилан хийсэн иргэний өмнөөс Хаанбанк хариуцлага хүлээхгүй.Иргэдийн алдсан мөнгийг буцаан төлөх боломжгүй. Тийм учир иргэд интернет банк шинэчлэгдэж байгаа нь нууцлал алдахаас урьдчилан сэргийлж буй хэрэг. Манай байгууллагын зүгээс хохирсон иргэдийн гомдол санал, хүсэлтийг хүлээн авч, хуулийн зөвлөгөө өгч, залилан хийсэн этгээдийг олох талаар цагдаагийн байгууллагатай хамтран ажиллах болно. Дан ганц манай банкны данс эзэмшигчийн данснаас мөнгө гүйлгээнд гараад байгаа хэрэг биш. Мөн бусад банкны данснаас мөнгө мөн адил алдагдсан тохиолдол гарсан. Манай банкны программ доголдлоос үүдэн мөнгө алдагдсан бол бид хохиролгүй болгоно.
Гэхдээ сүүлийн үед хэрэглэгчдийн и-мэйл хаяг, нууц үгийг ашиглан шөнийн цагаар нэвтэрч, мөнгийг нь авч байгаа. Иймд хэрэглэгчдэдээ хандаж хэлэхэд банкны нууцлалаа маш сайн хангахыг зөвлөж байна" гэв хэмээн мэдэгдсэн байна.
Харилцагчдынх нь дансанд дахь мөнгө гэнэт алга болж, маш олон хүнийг хохироогоод байгаа асуудалд холбогдоод байгаа Хаанбанкны хувьцаа эзэмшигчдийн мэдээллийг хүргэе. Хаанбанк ХХК нь 2005 онд МУ-ын бүртгэлийн байгууллагад бүртгүүлсэн. Дөрвөн хувьцаа эзэмшигчтэй. Тодруулбал, Таванбогд Трейд, МУ-ын иргэн Дашдаваагийн Хулан, Япон улсын Савада Холдингс ХХК, БНХАУ-ын Эйжиа ХХК нар хувьцаа эзэмшдэг байна.
Хаанбанкны Гүйцэтгэх захирлаар Рэнцэнбатын Мөнхтуяа ажилладаг. Тэрбээр 2020 оны 12-р сарын 28-ны өдөр томилогдсон. Хаанбанк нь 550 орчим салбар нэгжтэй, 2020 оны 9-р сарын 30-ны байдлаар Хаанбанкны нийт өөрийн хөрөнгө 1.2 их наяд төгрөг, нийт актив 11.1 их наяд төгрөгт хүрсэн талаар мэдээлж байсан.
Like
0
Зөв
0
0
Буруу
0
Воов
2
Уйтгартай
0
Дуртай
Банкаа сольж сонгох эрх нь танд л байна даа..
© 2013-2023. Вэб сайт бүтээсэн: Tsast Solution LLC
