Засгийн газрын Хяналт хэрэгжүүлэх газар, Монголын бүтээмжийн байгууллагатай хамтран төрийн байгууллагын төгөлдөршлийн тогтолцоо, гүйцэтгэлийн үнэлгээнд суурилсан Азийн загвар байгууллага төлөвшүүлэх төслийг хэрэгжүүлж эхэллээ. Уг төсөлд Нийслэлийн Засаг даргын Тамгын газар, Улсын хоёрдугаар төв эмнэлэг, Чингэлтэй, Сүхбаатар дүүргийн Нийгмийн даатгалын газар хамрагдаж байна. Салбартаа сайн туршлагаа түгээн дэлгэрүүлэх зорилготой загвар байгууллага болох уг төслийн эхний үе шатанд төрийн байгууллагын төгөлдөршлийн тогтолцооны долоон талбарт нотолгоонд суурилсан үнэлгээ хийх юм.
Үнэлгээг хийхэд техникийн дэмжлэг үзүүлэхээр Азийн бүтээмжийн байгууллагын зөвлөх Гая Гордон, хөтөлбөрийн зохицуулагч Мд Танвир Файсал нар наймдугаар сарын 4-7-ны өдрүүдэд Монгол Улсад ажиллаж байна.
Эдгээр загвар байгууллага тус бүр тодорхой төрийн үйлчилгээний төслийг хэрэгжүүлж, төрийн байгууллагын тасралтгүй сайжруулалтын соёл төлөвшүүлэх, төрийн үйлчилгээ илүү үр дүнтэй, иргэдэд ээлтэй, ил тод болгох жишиг тогтоож, сайн засаглалыг төлөвшүүлэхэд бодит хувь нэмэр оруулаад зогсохгүй олон улсын тавцанд өрсөлдөх чадвараа нэмэгдүүлэх зорилготой.
Цаашид төслийн хүрээнд Азийн бүтээмжийн байгууллагын мэргэшсэн олон улсын зөвлөхүүдийг урьж, төгөлдөршлийн тогтолцооны аргачлалаар үнэлгээ, дүн шинжилгээ хийж, үйл ажиллагаагаа тасралтгүй сайжруулан, бүтээмж, чанарыг дээшлүүлэх арга хэмжээг системтэйгээр хэрэгжүүлэх юм байна.
Төсөл хэрэгжүүлэгч байгууллагууд:
Монголын Бүтээмжийн Төв (МБТ): Азийн Бүтээмжийн Байгууллагын Монгол улс дахь албан ёсны төлөөлөгч бөгөөд Монгол Улсад бүтээмжийн хөдөлгөөнийг амжилттай өрнүүлж байна.
Азийн Бүтээмжийн Байгууллага (АББ): 1961 онд Ази Номхон далайн бүс нутагт төрийн болон хувийн хэвшлийн чадавхийг бэхжүүлэх, бүтээмжийг нэмэгдүүлэх замаар бүс нутгийн тогтвортой хөгжилд хувь нэмэр оруулах эрхэм зорилгын хүрээнд байгуулагдсан. Өдгөө 21 гишүүн оронтой бөгөөд гишүүн орнуудын бүтээмж, өрсөлдөх чадварыг дээшлүүлэх болон байгууллагуудын чадавхийг нэмэгдүүлэхэд дэмжлэг үзүүлдэг.
Засгийн газрын Хяналт хэрэгжүүлэх газар (ЗГХХГ): Засгийн газрын Хяналт хэрэгжүүлэх газар нь төрийн байгууллагын үйл ажиллагаанд процессын дахин инженерчлэл хийх, сайн засаглалыг төлөвшүүлэх, бүтээмжийг нэмэгдүүлэх чиглэлээр мэргэжлийн болон арга зүйн удирдлагаар хангах үүрэгтэйгээр уг төслийг хамтран хэрэгжүүлж байна.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
