Хөдөлмөр, халамжийн үйлчилгээний ерөнхий газрын дарга З.Энхболд Монголын хөдөлмөрийн их сургуулийн төлөөллийг хүлээн авч уулзлаа. Цаашид хөдөлмөр эрхлэлтийг дэмжих чиглэлд хамтран ажиллахаар ярилцлаа.
МҮЭ-ийн дэргэдэх Монголын Хөдөлмөрийн Их Сургууль болон Хөдөлмөр, халамжийн үйлчилгээний ерөнхий газар дараах нөхцөл тохирч хамтран ажиллахаар боллоо.
-Салбарын албан хаагчдыг мэргэшүүлэх, магистрын сургалт (танхим, цахим) зохион байгуулах;
-Суралцагчдаар аймаг, дүүргийн хөдөлмөрийн зах зээлийн судалгаа хийлгэх, эрдэм шинжилгээний бүтээл гаргах;
-Оюутан дадлагажуулах, ажлын байранд гарахын өмнөх бэлтгэл хангах;
-Хууль тогтоомж, дүрэм журам шинэчлэх, ном товхимол, гарын авлага хамтран гаргах;
-Үйл ажиллагаа сурталчлах, өдөрлөг, хэлэлцүүлэг, бусад арга хэмжээнд хамтран ажиллах;
-Төрийн түргэн шуурхай, чанартай үйлчилгээ үзүүлэх ISO стандарт нэвтрүүлэхэд хамтран ажиллах зэрэг.
Хамтын ажиллагааны санамж бичигт Хөдөлмөр, халамжийн үйлчилгээний ерөнхий газрын дарга З.Энхболд болон Монголын Хөдөлмөрийн Их Сургуулийн Захирал Г.Баярмаа нар гарын үсэг зурлаа.
Монголын Хөдөлмөрийн Их Сургууль нь төр болон хувийн хэвшлийн өмчлөл биш Олон нийтийн өмчийн статустай олон улсын жишиг бүхий Монголын 2 сургуулийн нэг бөгөөд Хөдөлмөрийн аюулгүй байдал, хөдөлмөрийн эрүүл ахуйч мэргэжлээр магистрын хөтөлбөрөөр сургадаг цорын ганц сургууль юм. Санамж бичгийн хэрэгжилтийг хангахын тулд 2 талаас ажлын хэсэг гаргаж, төлөвлөгөө баталж, үйл явцын мэдээллийг тогтмол солилцож ажиллахаар боллоо.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
