Монгол Улсын Шадар сайдын Баянхонгор аймгийн Засаг даргатай байгуулсан гэрээний дагуу “Гамшгаас хамгаалах команд штабын сургууль”-ийг тус аймагт 2021 оны 10 дугаар сарын 07-08-ны өдрүүдэд зохион байгуулах юм.
“Гамшгаас хамгаалах команд штабын сургууль”-ийн удирдан зохион байгуулах ОБЕГ-ын ГУСГ-ын дарга, хурандаа А.Алтанбаганаар ахлуулсан ажлын хэсгийн гишүүд аймгийн Онцгой комисс, нутгийн захиргааны байгууллага болон орон нутгийн гамшгаас хамгаалах албад, мэргэжлийн ангийн удирдах бүрэлдэхүүнд сургуулийн бодлого, төлөвлөгөөг танилцуулан сургуулийн бэлтгэл ажлыг хангуулан ажиллаж байна.
Гамшгаас хамгаалах команд штабын дадлага сургуулийн зорилго нь болзошгүй томоохон гамшгийн үед аймгийн нутаг дэвсгэрийг аймаг өөрийн хүчээр авран хамгаалах, сэргээн босгох боломж байгаа эсэхэд үнэлэлт дүгнэлт өгөх, гамшгаас хамгааах төлөвлөгөөг турших, бодит нөхцөл байдал үүссэн нөхцөлд хариу арга хэмжээ авах чадвар эзэмшүүлэх, хүч хэрэгслийн бэлтгэл, бэлэн байдлыг дээшлүүлэх, ард иргэдийг гамшгаас хамгаалах үйл ажиллагаанд татан оролцуулахад чиглэгддэг.
Баянхонгор аймагт зохион байгуулагдаж байгаа энэ удаагийн “Гамшгаас хамгаалах команд штабын дадлага сургууль” нь “Гамшиг, онцгой нөхцөл байдал, аюулт үзэгдэл, ослын үеийн орон нутгийн удирдлагын шийдвэр гаргалт, зохицуулалт, гамшгаас хамгаалах алба, мэргэжлийн анги, хуулийн этгээдийн харилцан ажиллагаа” сэдвийн хүрээнд болох юм гэж Онцгой байдлын ерөнхий газраас мэдээллээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
