Хуулийн байгууллагынхан улстөрийн намын дотоод асуудалд оролцож буй асуудлаар МАН улстөрийн дүгнэлт гаргах ёстой МАН-ын Хяналтын ерөнхий хорооны дарга Б.Баярбаатар МАН-ын дарга Ерөнхий сайд намын дарга байна гэсэн заалт намын дүрэмд хийгээд хууль эрх зүйн орчинд ч байхгүй гэдгийг онцоллоо. Тэрбээр “Сүүлийн үед Ерөнхий сайд намын дарга байна гэсэн зүйл яригдах боллоо. Тийм зарчим ч байх ёсгүй.
Ийм зүйл хэрэгжээд эхэлвэл төрийн дээр нам байна гэдэг зүйл албан ёсоор тогтоогдох болно. Энэ бол Үндсэн хуулийн зөрчил.
Үндсэн хуульд сонгуульд ялалт байгуулсан нам нь “Ерөнхий сайдад нэр дэвшүүлнэ” гэж заасан. “Намын даргыг нэр дэвшүүлнэ” гээгүй байгаа биз. Тухайн нам хэнийгээ ч нэр дэвшүүлж болно. 2016 онд МАН сонгуульд ялалт байгуулсны дараа намын дарга М.Энхболд УИХ-ын дарга болж, Ж.Эрдэнэбат Ерөнхий сайд болж байсан. Ерөнхий сайд Ж.Эрдэнэбат намын дарга байгаагүй шүү дээ. Тэгэхээр Ерөнхий сайд намын дарга байна гэдэг зүйл намын дүрэмд ч байхгүй, хууль эрх зүйн орчинд ч байхгүй. Манай намын дүрэмд “Намын даргыг Ерөнхий сайдад нэр дэвшүүлнэ” гэж заасан. Хэрэв “намын дарга Ерөнхий сайд байна” гээд заачих юм бол Үндсэн хуулийн зөрчил рүү орох учраас “нэр дэвшүүлнэ” гэж оруулсан байдаг” хэмээн тайлбарласан юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
