Монгол Улсын Засгийн газрын 2024-2028 онд хэрэгжүүлэх үйл ажиллагааны хөтөлбөрт дэвшилтэт технологи, инновацийг нэвтрүүлэн, иргэдийн амар тайван аюулгүй нийгмийг бүрдүүлнэ гэж заасан.
Дээрх зорилтыг хэрэгжүүлэх ажлын хүрээнд Цагдаагийн байгууллагаас гэмт хэрэг, зөрчлийн дуудлага, мэдээллийн хуваарилалт, шуурхай очих ажлыг сайжруулах зорилгоор "UB cab" ХХК-тай хамтран "UB POLICE" аппликейшн бүтээж үйл ажиллагаандаа нэвтрүүлэхээр ажиллаж байна.
Өөрөөр хэлбэл Цагдаагийн байгууллагын иргэдэд үйлчилдэг 102 аппликешнаар нэвтрэн ороход цагдаагийн байгууллагын дуудлага мэдээлэл хүлээн авах цэсэнд авто эргүүлийн байршил болон хөдөлгөөний мэдээлэл газрын зураг дээр иргэдэд харагдах юм.
Ингэснээр иргэдээс цагдаагийн байгууллагад ирүүлсэн гэмт хэрэг, зөрчлийн дуудлагын дагуу хамгийн ойр ажиллаж байгаа авто эргүүлийн алба хаагчид 5-10 минутад түргэн шуурхай очиж иргэдийн зөрчигдсөн эрхийг сэргээх, гэмт хэрэг, зөрчлөөс урьдчилан сэргийлэх, гэмт хэргийн илрүүлэлт, шийдвэрлэлтэд ахиц гарах ач холбогдолтой юм.
Түүнчлэн “UB Caв” аппликейшн дээрээс жолооч, үйлчлүүлэгч гэнэтийн аюулд өртөж хохирох эрсдэл үүссэн тохиолдолд нэг товчлуур дээр дарснаар цагдаагийн байгууллагын авто эргүүлийн ажилтанд дуудлага, мэдээлэл хуваарилагдаж, тэдэнд яаралтай тусламж дэмжлэг үзүүлнэ.
Like
10
Зөв
3
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
