МАН-ын Нарийн бичгийн дарга Ц.Чулуунзагдын өмгөөлөгч Б.Оюунбилэг өөрийн үйлчлүүлэгчид нь хамаатуулсан хэргийн талаарх мэдэгдлийг хийлээ. Тэрбээр ”Би өмгөөлөгчийн хувьд хэрэг эцэслэгдээгүй байхад ямар нэгэн мэдээлэл өгөх боломжгүй. Харин АТГ-ынхны зүгээс нийтэд мэдээлсэн буюу өөрсдийнх нь өгсөн мэдээлэлтэй холбогдуулаад хэлэхэд миний үйлчлүүлэгч Ц.Чулуунзагдын гэрээс нас барсан иргэний хурууны дардас олдоогүй. Энэ талаар тайлбар, залруулга хийж өгөх хүсэлтийг АТГ-т тавьсан.
Миний цахим хуудсаараа дамжуулсан мэдээлэл бол АТГ-ынхны өөрсдийнх нь нийтэд өгсөн мэдээллийнх нь түвшинд байгаа. Харин АТГ-аас Өмгөөлөгчдийн холбоонд “МАН-ын Удирдах зөвлөлийн болон Бага хурлын гишүүний хувьд Ц.Чулуунзагдад өмгөөлөл үзүүлж байна” гэсэн утгатай мэдэгдэл хүргүүлснийг өнөө өглөө мэдээллийн сайтаас олж харлаа.
Өмгөөлөгчдийн холбооноос одоогоор энэ талаар надад мэдэгдсэн зүйлгүй байна. Энэ бол хууль зөрчсөн процесс биш. Өмгөөллийн тухай хуулийн 1.13-т Улс төрийн намын орон тооны ажилтан байхыг хориглосон байдаг. Намын Удирдах зөвлөлийн болон Бага хурлын гишүүн бол орон тооны бус ажил. Тиймээс энд хууль зөрчсөн зүйл байхгүй” гэлээ.
Эх сурвалжийн мэдээллээр, Өмнөговь аймгийн Цогтцэций суманд нас барсан ХБНГУ-ын иргэншилтэй Н.Хасбаатарт задлан шинжилгээ хийхэд биед ил харагдах гэмтэл шарх тогтоогдоогүй, биеэс химийн болон биологийн хорт бодис, архи согтууруулах ундааны зүйл илрээгүй.
Зүрх, судас хатуурах, архаг панкреатит архаг өвчтэй, дээрх өвчний улмаас нас барсан болохыг тогтоожээ.
Амь хохирогч иргэний эхнэр хууль ёсны төлөөлөгчөөр мэдүүлэг өгсөн бөгөөд санал хүсэлт, гомдол гаргаагүй байна. Тиймээс цагдаагийн газраас хэрэг бүртгэлт нээхээс татгалзжээ.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
