Өнгөрсөн 9 дүгээр сарын 26-ны өдөр УИХ-ын гишүүн П.Сайнзориг Монгол Улсын Засгийн газар улсын төсөвт 200 тэрбум төгрөг төвлөрүүлэх боломжийг тасалдуулсан тогтоол гаргаж, Үндсэн хууль болон холбогдох хуулиудыг зөрчсөн болохыг мэдэгдэж, Засгийн газрыг Цэцэд өгөхөө мэдэгдэж байв. Тэрбээр Монгол Улсын Ерөнхий сайдад ашигт малтмалын нөөц ашигласны төлбөр /АМНАТ/-ийн асуудлаар асуулга тавьсан.
Ингэхдээ Монгол Улсын иргэд байгалийнхаа баялагийн үр өгөөөжөөс АМНАТ болон бусад татвар болгоноор үр өгөөж хүртэх боломжийг маш олон жил ярьж байгаа.
Дээрээс нь төсвийн орлого хэдэн их наядаар тасраад байхад Засгийн газар АМНАТ-ийг явцуу эрх ашгийг хангах байдлаар өөрчилж, 22.5 орчим сая тонн нүүрсийг хөнгөлөлттэй АМНАТ-өөр экспортод гаргах замаар тодорхой эрх ашигт үйлчилж болзошгүй тогтоол баталсан гэсэн юм.
Угтаа бол Монгол Улсын Дээд шүүхээс 2025 оны 2-р сарын 3-нд Засгийн газрын 2016 оны 2-р сарын 1-ний өдрийн 81 дүгээр тогтоолын хоёдугаар хавсралтаар батласан жонштой холбоотой хэсгийг 6 сарын дотор шинэчлэх үүрэг өгсөн байдаг аж. Гэвч Засгийн газар үүнийг далимдуулаад энэ оныг дуустал буюу дөрвөн сар үйлчлэх тогтоол баталжээ.
Үүгээрээ АМНАТ-ын аргачлалыг явцуу байдлаар өөрчилж тодорхой компаниудад давуу байдал олгож байгаа гэс хар төрүүлж байгаа юм. Засгийн газраас энэ оны 8-р сарын 20-нд баталсан хоёрхон өгүүлбэртэй тогтоол нь Үндсэн хууль, Ашигт малмал, Татвар, Төсвийн хуулиудыг зөрчжээ. Өнөөдөр биржийн дундаж үнэ тээвэртэйгээ 90.3 ам.доллар орчим байгаа бол хилийн цаана Ганцмод дээр 135 ам.доллар байгаа аж.
Үүний зөрүү болох 46 ам.долларт АМНАТ-ийн 5 хувийг төлөхгүй байж болно гэсэн тогтоолыг гаргасан Засгийн газар гаргасан бөгөөд тонн тутамд 2-3 ам.доллар төлөх шаардлагагүй гэсэн тогтоол юм.
Энэ асуудлаар УИХ-ын гишүүн П.Сайнзориг Засгийн газарт асуулга тавьсан. Асуулгын хариунаас шалтгаалж Засгийн газрыг Монгол Улсын Цэцэд өгөх асуудлыг шийдэхээ ч илэрхийлсэн. Монгол Улсын төсөвт орох орлогоос хэн ч хэзээ ч хумсалж болохгүй. Засгийн газар энэ асуудлыг засахгүй бол Цэцэд өгнө гэдгээ тэрбээр илэрхийлсээр байгаа. Мэдээж Уул уурхайн сайдад хариуцлага тооцох асуудлыг хөндөхөө хэлсэн байдаг.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
