Монгол Улсын 21 аймгийн 330 сумаас 25 нь маш их, 54 нь их, 130 нь дунд, 129 нь бага, 2 нь маш бага эрсдэлтэй хэмээн Улсын онцгой комиссоос гаргасан гангийн эрсдэлийн үнэлгээнд дурджээ.
Энэ талаар УОК-ын дарга, Монгол Улсын Шадар сайд С.Амарсайхан мэдээлэхдээ, 2025-2026 оны өвөлжилт, хаваржилт хүндэрч болзошгүй нөхцөл байдал үүсэж буйг онцолж, аймаг, сум, орон нутгийн удирдлагууд болон малчин өрх бүр өвөлжилтийн бэлтгэлээ эртнээс хангах шаардлагатайг дахин сануулав.
Тэрээр отор нүүдэл ид өрнөж буй энэ үед малчид эрүүл мэндийн тусламж үйлчилгээ авахад хүндрэл үүсэх эрсдэлтэй байгааг анхааруулж, малчдын эрүүл мэнд, амь насыг хамгаалах нь төрийн байгууллагуудын хамгийн чухал үүрэг болохыг онцлон тэмдэглэсэн байна. Иймд эрүүл мэндийн тусламж, үйлчилгээг хөдөө, отрын нөхцөлд түргэн шуурхай, хүртээмжтэй хүргэхийг эрүүл мэндийн байгууллагуудад үүрэг болгожээ.
Мөн Шадар сайд С.Амарсайхан отрын бүс нутгуудад нүүж ирсэн малчдад орон нутгийн зүгээс хөөж туух, дарамт шахалт үзүүлэхгүй байхыг онцгойлон анхааруулсан юм. Малчид байгаль, цаг уурын хүндрэлтэй нөхцөлд мал болон амь насаа аврахын тулд нүүдэл хийхээс аргагүй байдалд орж буйг ойлгож, төрийн байгууллагууд хүнлэг, зохистой харилцааг баримтлах хэрэгтэйг тэрээр тэмдэглэв.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
