Хоёр хоногийн өмнө УИХ-ын нэр бүхий гишүүд Монгол Улсын Ерөнхий сайд Г.Занданшатарыг огцруулах саналыг УИХ-д өргөн барьсан. Тэгвэл энэ асуудлыг маргааш Чуулганы нэгдсэн хуралдаанаар хэлэлцэхээр болжээ. Тодруулбал УИХ-ын даргын дэргэдэх зөвлөл хуралдаад маргаашийн УИХ-ын чуулганы хуралдаанаар хэлэлцэх асуудлыг өөрчилж баасан гарагийн өглөө 08:30 цагт Төрийн байгуулалтын байнгын хороо хуралдаж, П.Сайнзориг нарын 50 гаруй гишүүдийн тавьсан саналыг хэлэлцэхээр болжээ. Харин үргэлжлүүлэн 10:00 цагт УИХ-ын нэгдсэн чуулган хуралдаж, Ерөнхий сайд Г.Занданшатарыг огцруулах эсэх асуудлыг хэлэлцээд үүний дараа 2026 оны төсвийн төслийн хоёр дахь хэлэлцүүлэг болохоор тов тогтоожээ.
Тэгвэл энэ баасан гарагт хэлэлцэхээр байсан Засгийн газрын гишүүнийг огцруулах, томилох асуудлыг маргаашийн хэлэлцэх асуудлын жагсаалтаас хассан гэж УИХ-ын Ерөнхий нарийн бичгийн дарга Б.Баасандорж мэдээллээ. Ингэхдээ МАН-ын бүлгийн даргаас санал оруулж, Ерөнхий сайдыг огцруулах эсэх асуудлыг шийдсэний дараа Засгийн газрын гишүүнийг томилох эсэх асуудлыг шийдвэрлэх нь зүйтэй гэсэн санал ирсэн гэв.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
